പ്രതിദിന കോവിഡ് രോഗികളുടെ എണ്ണം 40,000ത്തിലേക്ക്; കോവിഡ് രണ്ടാം വരവിന്റെ ചൂടറിഞ്ഞ് ഇന്ത്യ
text_fields
ന്യൂഡൽഹി: രാജ്യത്ത് പ്രതിദിന കോവിഡ് രോഗികളുടെ എണ്ണം 40,000ത്തോട് അടുക്കുന്നു. 39,726 പേർക്കാണ് കഴിഞ്ഞ 24 മണിക്കൂറിനിടെ കോവിഡ് ബാധിച്ചത്. 20,654 പേർ രോഗമുക്തരായി. 154 പേർ രോഗം ബാധിച്ച് മരിച്ചു. കഴിഞ്ഞ ദിവസവുമായി താരതമ്യം ചെയ്യുേമ്പാൾ 11 ശതമാനമാണ് കോവിഡ് രോഗികളുടെ എണ്ണത്തിലുണ്ടായ വർധന.
1,15,14,331 പേർക്ക് ഇതുവരെ കോവിഡ് സ്ഥിരീകരിച്ചിട്ടുണ്ട്. 1,10,83,679 പേർക്ക് രോഗമുക്തിയുണ്ടായി. 2,71,282 പേരാണ് നിലവിൽ ചികിൽസയിലുള്ളത്. 1,59,370 പേർ ഇതുവരെ രോഗം ബാധിച്ച് മരിക്കുകയും ചെയ്തിട്ടുണ്ട്.
അതേസമയം, 3,93,39,817 പേർക്ക് ഇതുവരെ വാക്സിൻ നൽകിയിട്ടുണ്ടെന്നും ആരോഗ്യമന്ത്രാലയം അറിയിച്ചു. ഇന്ത്യയിൽ കോവിഡിന്റെ രണ്ടാം വ്യാപനമാണ് ഇപ്പോഴുണ്ടാകുന്നതെന്ന് ആരോഗ്യമന്ത്രാലയത്തിന്റെ വിലയിരുത്തൽ. കർശന നടപടി സ്വീകരിച്ചില്ലെങ്കിൽ കോവിഡ് അതിരൂക്ഷമാകുമെന്ന് പ്രധാനമന്ത്രിയും മുന്നറിയിപ്പ് നൽകിയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.