രാജ്യത്ത്​ 15,144 പേർക്ക് കൂടി​ കോവിഡ്​; 17,170 പേർ രോഗമുക്​തർ

ന്യൂഡൽഹി: രാജ്യത്ത്​ 24 മണിക്കൂറിനിടെ 15,144 പേർക്ക്​ കൂടി കോവിഡ്​ സ്ഥിരീകരിച്ചു. 181 പേർ രോഗം ബാധിച്ച്​ മരിച്ചുവെന്നും ആരോഗ്യമന്ത്രാലയം അറിയിച്ചു. ഇതോടെ രാജ്യത്ത്​ കോവിഡ്​ സ്ഥിരീകരിച്ചവരുടെ എണ്ണം 1,05,57,985 ​ആയി.

കോവിഡ്​ ബാധിച്ച്​ മരിച്ചവരുടെ എണ്ണം 1,52,274 ആയി ഉയർന്നു. 2,08,826 പേരാണ്​ കോവിഡ്​ ബാധിച്ച്​ നിലവിൽ ചികിൽസയിലുള്ളത്​. കഴിഞ്ഞ ദിവസം മാത്രം 17,170 പേർ രാജ്യത്ത്​ കോവിഡിൽ നിന്ന്​ മുക്​തി നേടിയി.

അതേസമയം, രാജ്യത്ത്​ കോവിഡ്​ വാക്​സിനേഷൻ പ്രവർത്തനങ്ങൾ ശനിയാഴ്ച ആരംഭിച്ചു. 1,91,181 പേരാണ്​ ആദ്യ ദിവസം വാക്​സിൻ സ്വീകരിച്ചത്​.