രാജ്യത്ത്​ 14,849 പേർക്ക്​ കൂടി കോവിഡ്​; 155 മരണം

ന്യൂഡൽഹി: രാജ്യത്ത്​ 24 മണിക്കൂറിനിടെ 14,849 പേർക്ക്​ കോവിഡ്​ സ്​ഥിരീകരിച്ചു. 155 മരണവും സ്​ഥിരീകരിച്ചതായി കേന്ദ്ര ആരോഗ്യ മ​ന്ത്രാലയം അറിയിച്ചു.

രാജ്യത്ത്​ ഇതുവരെ 1,06,54,533 പേർക്കാണ്​ കോവിഡ്​ സ്​ഥിരീകരിച്ചത്​. ഇതിൽ 1,03,16,786 പേർ രോഗമുക്തി നേടി. രാജ്യത്ത്​ ഇതുവരെ 1,53,339 പേർക്കാണ്​ കോവിഡ്​ മൂലം ജീവ​ൻ നഷ്​ടമായത്. രോഗമുക്തി നിരക്ക്​ 96.83 ശതമാനമായതായും ആരോഗ്യമന്ത്രാലയം അറിയിച്ചു.

1,84,408 പേരാണ്​ നിലവിൽ രാജ്യത്ത്​ കോവിഡ്​ ബാധിച്ച്​ ചികിത്സയിലുള്ളത്​. ഇതിൽ കേരളത്തിലാണ്​ ഏറ്റവും കൂടുതൽ പേർ ചികിത്സയിൽ.

അതേസമയം രാജ്യത്ത്​ കോവിഡ്​ വാക്​സിൻ വിതരണം പുരോഗമിക്കുകയാണ്​. 15,82,201 പേർക്കാണ്​ ഇതുവരെ വാക്​സിൻ നൽകിയതെന്നും ആരോഗ്യമന്ത്രാലയം അറിയിച്ചു.