ഇന്ത്യയിൽ തുടർച്ചയായ രണ്ടാം ദിവസവും മൂന്ന്​ ലക്ഷത്തിലധികം കോവിഡ്​ രോഗികൾ

ന്യൂഡൽഹി: കോവിഡിന്‍റെ രണ്ടാം വ്യാപനം ഇന്ത്യയിൽ അതി​തീവ്രമായി തുടരുന്നു. തുടർച്ചയായ രണ്ടാം ദിവസവും മൂന്ന്​ ലക്ഷത്തിലധികം പേർക്ക്​ രാജ്യത്ത്​ കോവിഡ്​ സ്ഥിരീകരിച്ചു. 332,730 പേർക്കാണ്​ കഴിഞ്ഞ 24 മണിക്കൂറിനിടെ രോഗബാധ സ്ഥിരീകരിച്ചത്​.

ഇതോടെ രോഗം സ്ഥിരീകരിച്ചവരുടെ എണ്ണം 16,263,695 ആയി ഉയർന്നു. ഇതിൽ 1,36,48,159 പേർക്ക്​ രോഗമുക്​തിയുണ്ടായി. 24,28,616 പേരാണ്​ രോഗം ബാധിച്ച്​ ചികിത്സയിലുള്ളത്​. 2,263 പേർ കോവിഡ്​ ബാധിച്ച്​ മരിച്ചു. ഇതോടെ ആകെ കോവിഡ്​ മരണം 186,920 ആയി ഉയർന്നു.

അതേസമയം, രാജ്യത്ത്​ ഓക്​ജിൻ ക്ഷാമം ഇപ്പോഴും അതിരൂക്ഷമായി തുടരുകയാണ്​. ഡൽഹിയിലെ പല ആശുപത്രികളിലും ഓക്​സിജൻ ക്ഷാമം അനുഭവപ്പെടുന്നുണ്ടെന്നാണ്​ റിപ്പോർട്ടുകൾ. ഏതാനം മണിക്കൂർ സമയത്തേക്ക്​​ ഉപയോഗിക്കാനുള്ള ഓക്​സിജൻ മാത്രമാണ്​ ആശുപത്രികളിൽ ബാക്കിയുള്ളത്​.