Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഇന്ത്യയിൽ കോവിഡ്​...

ഇന്ത്യയിൽ കോവിഡ്​ ബാധിതർ 25 ലക്ഷത്തിലേക്ക്​​; 24 മണിക്കൂറിനിടെ 1007 മരണം

text_fields
bookmark_border
ഇന്ത്യയിൽ കോവിഡ്​ ബാധിതർ 25 ലക്ഷത്തിലേക്ക്​​; 24 മണിക്കൂറിനിടെ 1007 മരണം
cancel

ന്യൂഡല്‍ഹി: ഇന്ത്യയിൽ കോവിഡ്​ ബാധിതരുടെ എണ്ണം 25 ലക്ഷത്തിലേക്കടുക്കുന്നു. പ്രതിദിന കോവിഡ്​ ബാധിതരുടെ എണ്ണത്തിൽ തുടർച്ചയായ വർധനവാണുള്ളത്​. കഴിഞ്ഞ 24 മണിക്കൂറിനുള്ളിൽ 64,553 പേർക്കാണ്​ വൈറസ്​ ബാധ സ്ഥിരീകരിച്ചത്​. ഇതോടെ രാജ്യത്തെ കോവിഡ്​ബാധിതരുടെ എണ്ണം 24,61,191 ആയി ഉയർന്നു.

കഴിഞ്ഞ 24 മണിക്കൂറിനുള്ളിൽ ആയിരിലേറെ കോവിഡ്​ മരണങ്ങളും റിപ്പോർട്ട്​ ചെയ്​തു. കേന്ദ്ര ആരോഗ്യ കുടുംബക്ഷേമ മന്ത്രാലയത്തി​െൻറ ഔദ്യോഗിക കണക്കുകൾ പ്രകാരം 1007 മരണമാണ്​​ കഴിഞ്ഞ ദിവസം രേഖപ്പെടുത്തിയത്​. ഇതോടെ കോവിഡ് രോഗബാധയെ തുടർന്ന്​ മരിച്ചവരുടെ എണ്ണം 48,040 ആയി.

ആരോഗ്യമന്ത്രാലയത്തി​െൻറ റിപ്പോർട്ട്​ പ്രകാരം രാജ്യത്തെ മരണനിരക്ക്​ 1.95 ശതമാനമാണ്​.

രാജ്യത്ത്​ ഇതുവരെ 17,51,555 പേർ രോഗമുക്തി നേടി. കഴിഞ്ഞ ദിവസം 55573 പേർ ആശുപത്രിവിട്ടു. രാജ്യത്തെ കോവിഡ് രോഗമുക്തി നിരക്ക് 71.17 ശതമാനമായി ഉയർന്നുവെന്ന്​ ആരോഗ്യമന്ത്രാലയം അറിയിച്ചു.

നിലവിലുള്ള കോവിഡ്​ രോഗികളുടെ നിരക്ക് 26.88 ശതമാനമായി​​. 6,61,595 പേരാണ് ചികിത്സയില്‍ കഴിയുന്നത്.

പ്രതിദിന കോവിഡ്​ രോഗികളുടെ കണക്കിൽ ഇന്ത്യയാണ്​ ഒന്നാംസ്ഥാനത്തുള്ളത്​. ആഗസ്​റ്റ്​ 13ന്​ 8,48,728 സാമ്പിളുകൾ കോവിഡ്​ പരിശോധനക്ക്​ വിധേയമാക്കിയതായി ഐ.സി.എം.ആർ അറിയിച്ചു. രാജ്യത്ത്​ ഇതുവരെ 2.76 കോടി കോവിഡ്​ പരിശോധനകളാണ്​ നടത്തിയിട്ടുള്ളതെന്നും ഐ.സി.എം.ആർ അറിയിച്ചു.

Show Full Article
TAGS:Covid19 ICMR India news 
Next Story