രാജ്യത്ത് കോവിഡ് മരണം വീണ്ടും 4000 കടന്നു; മൂന്നരലക്ഷത്തിനടുത്ത് രോഗികൾ
text_fields
ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 3,48,421 പേർക്ക് കൂടി കോവിഡ് സ്ഥിരീകരിച്ചു. 4205 പേർ കോവിഡ് ബാധിച്ച് മരിച്ചു. 3,55,338 പേർക്ക് രോഗമുക്തിയുണ്ടായി.
ഇതോടെ ആകെ കോവിഡ് രോഗികളുടെ എണ്ണം 2,33,40,938 ആയി ഉയർന്നു. ഇതിൽ 1,93,82,642 പേർക്ക് ഇതുവരെ രോഗമുക്തിയുണ്ടായി. മരണസംഖ്യ 2,54,197 ആയി ഉയർന്നു. 37,04,099 പേരാണ് നിലവിൽ ചികിത്സയിലുള്ളത്. 17,52,35,991 പേർക്കാണ് ഇതുവരെ രാജ്യത്ത് വാക്സിൻ നൽകിയതെന്നും ആരോഗ്യമന്ത്രാലയം അറിയിച്ചു.
അതേസമയം, അഞ്ച് സംസ്ഥാനങ്ങളിലാണ് കോവിഡ് അതീവ രൂക്ഷമായി തുടരുന്നത്. മഹാരാഷ്ട്ര, കർണാടക, കേരള, തമിഴ്നാട്, യു.പി തുടങ്ങിയ സംസ്ഥാനങ്ങളിലാണ് രോഗബാധ കുറയാത്തത്. രോഗികളിൽ 11 ശതമാനവും മഹാരാഷ്ട്രയുടെ സംഭാവനയാണ്. പക്ഷേ മുൻ ദിവസങ്ങളുമായി താരതമ്യം ചെയ്യുേമ്പാൾ മഹാരാഷ്ട്രയിൽ രോഗികളുടെ എണ്ണത്തിൽ നേരിയ കുറവ് രേഖപ്പെടുത്തുന്നുണ്ട്.