Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഇന്ത്യയിൽ 6ജി സേവനം...

ഇന്ത്യയിൽ 6ജി സേവനം അവതരിപ്പിക്കുമെന്ന് മോദി

text_fields
bookmark_border
ഇന്ത്യയിൽ 6ജി സേവനം അവതരിപ്പിക്കുമെന്ന് മോദി
cancel
Listen to this Article

ന്യൂഡൽഹി: ഇന്ത്യയിൽ 6ജി സേവനം ആരംഭിക്കുമെന്ന് പ്രധാനമന്ത്രി നരേന്ദ്ര മോദി. ഈ പതിറ്റാണ്ടിന്റെ അവസാനത്തോടെ 6ജി അവതരിപ്പിക്കുമെന്നാണ് നരേന്ദ്ര മോദിയുടെ അവകാശവാദം. വികസനവും തൊഴിലും സൃഷ്ടിക്കാൻ നൂതന സാ​​ങ്കേതികവിദ്യ ആവശ്യമാണെന്നും പ്രധാനമന്ത്രി പറഞ്ഞു.

21ാം നൂറ്റാണ്ടിൽ ഇന്ത്യയുടെ വളർച്ചയുടെ വേഗം നിർണയിക്കുക കണക്ടിവിറ്റിയായിരിക്കും. അതുകൊണ്ട് കണക്ടിവിറ്റിയെ എല്ലാതലത്തിലും നവീകരിക്കണം. ടെലികോം റെഗുലേറ്ററി അതോറ്റിറ്റിയുടെ സിൽവർ ജൂബിലി ആഘോഷ പരിപാടികൾ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു മോദി.

രാജ്യത്തിന്റെ ഭരണത്തിൽ 5ജി സാ​​ങ്കേതികവിദ്യ വലിയ മാറ്റങ്ങൾ കൊണ്ടു വരും. കൃഷി, ആരോഗ്യം, വിദ്യാഭ്യാസം, അടിസ്ഥാനസൗകര്യ വികസനം, ലോജിസ്റ്റിക്സ് തുടങ്ങിയ മേഖലകളിൽ 5ജി വലിയ മാറ്റങ്ങളുണ്ടാക്കും.

5ജി അതിവേഗത്തിൽ നടപ്പാക്കാൻ സർക്കാർതലത്തിലും വ്യവസാ​യ മേഖലയുടേയും ഇടപെടലുണ്ടാവണം. ടെലികോം മേഖല സ്വയംപര്യാപ്തതയും കൈവരിച്ചുവെന്നും ആരോഗ്യകരമായ മത്സരം​ സെക്ടറിലുണ്ടെന്നും മോദി കൂട്ടിച്ചേർത്തു.

Show Full Article
TAGS:Narendra Modi  6G 
News Summary - India planning to launch 6G services by end of decade: Modi
Next Story