Top
Begin typing your search above and press return to search.
keyboard_arrow_down
Login
exit_to_app
exit_to_app
ഇന്ത്യയും പാകിസ്​താനും ബംഗ്ലാദേശും ലയിപ്പിക്കണം; ബിജെ.പിയോട്​ മഹാരാഷ്​ട്ര മന്ത്രി
cancel
Homechevron_rightNewschevron_rightIndiachevron_rightഇന്ത്യയും പാകിസ്​താനും ...

'ഇന്ത്യയും പാകിസ്​താനും ബംഗ്ലാദേശും ലയിപ്പിക്കണം'; ബിജെ.പിയോട്​ മഹാരാഷ്​ട്ര മന്ത്രി

text_fields
bookmark_border

മുംബൈ: ഇന്ത്യ, പാകിസ്​താൻ, ബംഗ്ലാദേശ്​ രാജ്യങ്ങൾ ലയിപ്പിച്ച്​ ഒരു രാജ്യം സൃഷ്​ടിച്ചാൽ ബി.ജെ.പിയുടെ നീക്കത്തെ നാഷനലിസ്​റ്റ്​ കോൺഗ്രസ്​ പാർട്ടി (എൻ.സി.പി) സ്വാഗതം ചെയ്യുമെന്ന് മഹാരാഷ്​ട്ര മന്ത്രി നവാബ്​ മാലിക്​. ബി.ജെ.പി നേതാവും മുൻ മഹാരാഷ്​ട്ര മുഖ്യമന്ത്രിയുമായിരുന്ന ദേവേന്ദ്ര ഫഡ്​നാവിസി​െൻറ പ്രസ്​താവ​നയോട്​ പ്രതികരിക്കുകയായിരുന്നു അദ്ദേഹം.

'ഒരുദിവസം കറാച്ചി ഇന്ത്യയുടെ ഭാഗമാകുമെന്ന്​ ദേവേന്ദ്ര ഫഡ്​നാവിസ്​ പറഞ്ഞതിനെ സ്വാഗതം ചെയ്യുന്നു. ഇന്ത്യയും പാകിസ്​താനും ബംഗ്ലാദേശും ലയിപ്പിക്കണമെന്ന്​ തീർച്ചയായും ആഗ്രഹിക്കുന്നു. ബെർലിൻ മതിൽ തകർക്കാൻ കഴിയുമെങ്കിൽ എന്തുകൊണ്ട്​ ഇന്ത്യക്കും പാകിസ്താനും ബംഗ്ലാദേശിനും ഒരുമിച്ചു ചേരാൻ കഴിയില്ല?. മൂന്ന്​ രാജ്യങ്ങളെയും ലയിപ്പിച്ച്​ ഒറ്റ രാജ്യമാക്കാൻ ബി​.ജെ.പി ആഗ്രഹിക്കുന്നുവെങ്കിൽ ഞങ്ങൾ അതിനെ തീർച്ചയായും സ്വാഗതം ചെയ്യും' -മാലിക്​ എ.എൻ.ഐയോട്​ പറഞ്ഞു.

ബ്രിഹാൻ മുംബൈ കോർപറേഷൻ തെരഞ്ഞെടുപ്പിൽ ശിവസേന, കോൺഗ്രസ്​ എന്നിവർ ഉൾപ്പെടുന്ന മഹാ വികാസ്​ അഗാഡി സർക്കാറിനൊപ്പം എൻ.സി.പി മത്സരിക്കാൻ ആഗ്രഹിക്കുന്നുവെന്നും മാലിക്​ പറഞ്ഞു. ബി.എം.സി തെരഞ്ഞെടുപ്പിന്​ 15 മാസം മാത്രമാണ്​ ഇനിയുള്ളത്​. ഓരോ പാർട്ടിയും അവരവരുടെ പാർട്ടിക്കുവേണ്ടി പ്രവർത്തിക്കുന്നു. ഞങ്ങളും പാർട്ടിയെ ശക്തിപ്പെടുത്താൻ ശ്രമിക്കുന്നു. മൂന്നുപാർട്ടികളും ഒരുമിച്ച്​ ചേർന്ന്​ മത്സരിക്കണമെന്ന്​ ഞങ്ങൾ ആഗ്രഹിക്കുന്നുവെന്നും മാലിക്​ പറഞ്ഞു.

അവിഭക്ത ഇന്ത്യയിലാണ്​ വി​ശ്വസിക്കുന്നതെന്നും ഒരുദിവസം കറാച്ചി ഇന്ത്യയുടെ ഭാഗമാകുമെന്നും കഴിഞ്ഞദിവസം ദേവേന്ദ്ര ഫഡ്​നാവിസ്​ പറഞ്ഞിരുന്നു. മു​ംബൈയിൽ മധുരപലഹാരക്കടയുടെ ​േപരിൽനിന്ന്​ കറാച്ചി ഒഴിവാക്കണമെന്ന്​ ശിവസേന പ്രവർത്തകർ ആവശ്യപ്പെട്ട സംഭവത്തോട്​ പ്രതികരിക്കുകയായിരുന്നു ​അദ്ദേഹം.

Show Full Article
TAGS:India Pakisthan Bangladesh Maharashtra Minister BJP Nationalist Congress Party Nawab Malik 
Web Title - India Pak Bangladesh Should Be Merged Maharashtra Minister To BJP
Next Story