ഇന്ത്യയിലെ മെഡിക്കൽ ഓക്​സിജൻ ഉൽപാദനം പത്തിരട്ടി വർധിച്ചുവെന്ന്​ മോദി

ന്യൂഡൽഹി: ഇന്ത്യയിലെ മെഡിക്കൽ ഓക്​സിജൻ ഉൽപാദനം വർധിച്ചുവെന്ന്​ പ്രധാനമന്ത്രി നരേന്ദ്ര മോദി. മെഡിക്കൽ ഓക്​സിജൻ ഉൽപാദനം പത്തിരട്ടിയാണ്​ വർധിച്ചത്​. സാധാരണ 900 മെട്രിക് ടൺ​ ഓക്​സിജനാണ്​ ഇന്ത്യയിൽ ഉൽപാദിപ്പിക്കുന്നതെങ്കിൽ അത്​ 9000 ടണ്ണായി വർധിച്ചുവെന്ന്​ മോദി പറഞ്ഞു.

നൂറ്റാണ്ടിലെ ഏറ്റവും വലിയ പ്രതിസന്ധിയാണ്​ കോവിഡ്​. വെല്ലുവിളി എത്ര വലുതായാലും അതിനെ രാജ്യം നേരിടും. സർവശക്​തിയുമെടുത്ത്​ കോവിഡിനെതിരെ പോരാടുമെന്നും മോദി പറഞ്ഞു. പ്രതിമാസ റേഡിയോ പ്രക്ഷേപണ പരിപാടിയായ മൻകീബാത്തിൽ സംസാരിക്കു​േമ്പാഴാണ്​ മോദിയുടെ പ്രസ്​താവന.

രണ്ടാം മോദി സർക്കാർ രണ്ട്​ വർഷം പൂർത്തിയാക്കുന്നവേളയിലാണ്​ നരേന്ദ്ര മോദിയുടെ മൻ കീ ബാത്ത്​. കഴിഞ്ഞ ഏഴ്​ വർഷവും ആത്​മസമർപ്പണത്തോടെ പ്രവർത്തിക്കാൻ കഴിഞ്ഞുവെന്നും​ അദ്ദേഹം പറഞ്ഞു.