ഇന്ത്യ ഇപ്പോൾ പാമ്പാട്ടികളുടെ നാടല്ലെന്ന്​​ മോദി

പാട്​ന: ആഗോളവത്​കരണ യുഗത്തിൽ ഇന്ത്യ മാറ്റത്തി​​െൻറ പാതയിലാണെന്ന്​ പ്രധാനമന്ത്രി നരേന്ദ്രമോദി. മുമ്പ്​ ഒരു വിദേശിയുമായി സംസാരിക്കവെ നിങ്ങളുടെത്​ ഇപ്പോഴും പാമ്പാട്ടികളുടെ നാടാണോ എന്നദ്ദേഹം അ​േന്വഷിച്ചു. എന്നാൽ പാമ്പിനോടൊപ്പമുള്ള കളി നിർത്തിയെന്നും ഇപ്പോൾ ‘എലി(മൗസ്​)’കളോടൊപ്പമാണ്​ കളി​െയന്നും മറുപടി നൽകിയതായി മോദി പറഞ്ഞു. ഇന്ത്യയു​െട കമ്പ്യൂട്ടർ വിപ്ലവം ഉദ്ദേശിച്ചുകൊണ്ടാണ്​ പ്രധാനമന്ത്രി ഇക്കാര്യം വിവരിച്ചത്​. പാട്​ന സർവകലാശാലയുടെ 100ാം വാർഷികാഘോഷത്തിൽ പ​െങ്കടുത്ത്​ സംസാരിക്കുകയായിരുന്നു പ്രധാനമന്ത്രി. 

ജനങ്ങളു​െട പ്രശ്​നങ്ങൾക്ക്​ ക്രിയാത്​മക പരിഹാരം കാണുന്നതി​െന കുറിച്ച്​ യുവജനങ്ങൾ ചിന്തിക്കണം. ക്രിയാത്​മകതയാണ്​​ വളർച്ചയു​ടെ താക്കോൽ. പഠിപ്പിക്കുക എന്ന പരമ്പരാഗത രീതിയിൽ നിന്ന്​ ക്രിയാത്​മകമായി പഠിക്കുന്ന രീതിയിലേക്ക്​ നമ്മുടെ സർവകലാശാലകൾ മാറണം. 10 പൊതു -സ്വകാര്യ സർവകലാശാലകൾക്ക്​ 10,000 കോടി രൂപ കേന്ദ്ര സഹായം നൽകി അഞ്ചു വർഷത്തിനിടെ ലോക നിലവാരത്തി​െലത്തിക്കുമെന്ന്​ മോദി പറഞ്ഞു. 

ജൂലൈയിൽ മഹാസഖ്യം വിട്ട്​ ബീഹാർ മുഖ്യമന്ത്രി നിതീഷ്​ കുമാർ എൻ.ഡി.എയോട്​ കൈകോർത്ത ശേഷം ആദ്യമായാണ്​ പ്രധാനമന്ത്രി ഒൗദ്യോഗിക സന്ദർശനത്തിന്​ ബീഹാറി​െലത്തുന്നത്​. നേരത്തെ, പാട്​ന വിമാനത്താവളത്തിൽ  നിതീഷ്​ കുമാർ മോദി​െയ സ്വീകരിച്ചു. ചടങ്ങിൽ നിതീഷിനെ വാനോളം പുകഴ്​ത്താനും മോദി മറന്നില്ല. ബീഹാറി​​െൻറ വികസനത്തിൽ നിതീഷിനുള്ള പ്രതിബദ്ധത അഭിനന്ദനീയമാ​െണന്ന്​ പ്രധാനമന്ത്രി പറഞ്ഞു.