You are here

തെരഞ്ഞെടുപ്പിന്​ മുമ്പ്​ ഇന്ത്യയിൽ സാമുദായിക സംഘർഷങ്ങൾക്ക്​ സാധ്യത- യു.എസ്​ ഇൻറലിജൻസ്​

12:30 PM
30/01/2019

വാഷിങ്​ടൺ: മേയിൽ നടക്കുന്ന പൊതു തെരഞ്ഞടുപ്പുമായി ബന്ധപ്പെട്ട്​ ഇന്ത്യയിൽ സാമുദായിക സംഘർഷങ്ങൾക്ക്​ സാധ്യതയുണ്ടെന്ന്​ അമേരിക്കൻ ഇൻറലിജൻസ്​ ഡയറക്​ടറുടെ മുന്നറിയിപ്പ്​. തെരഞ്ഞടുപ്പിനു മുന്നോടിയായി തീവ്ര ഹിന്ദു വികാരം ഇളക്കിവിടാൻ ബി.ജെ.പി ശ്രമിക്കുമെന്നും റിപ്പോർട്ടിൽ പറയുന്നു. 2019 ൽ ലോകമാകെ നേരിടുന്ന ഭീഷണികളെ കുറിച്ചുള്ള യു.എസ്​ ഇൻറലിജൻസി​​​​​െൻറ വെളിപ്പെടുത്തലിലാണ്​ ഇന്ത്യയിൽ ഉണ്ടാകാനിടയുള്ള സാമുദായിക സംഘർഷങ്ങളെ കുറിച്ച്​ മുന്നറിയിപ്പുള്ളത്​. 

ബി.ജെ.പി ഭരിക്കുന്ന സംസ്​ഥാനങ്ങളിൽ സാമുദായിക സംഘർഷങ്ങൾ വേരുപിടിച്ചിട്ടുണ്ട്​.  അനുയായികളെ പ്രകോപിപ്പിച്ച്​ താഴേത്തട്ടിൽ നിന്ന്​ അക്രമങ്ങൾ ഉണ്ടാക്കുന്നതിനാണ്​ ബി.ജെ.പി നേതാക്കളുടെ ശ്രമം. 

വർധിച്ചു വരുന്ന അക്രമസംഭവങ്ങൾ ഇന്ത്യൻ മുസ്​ലീംകളെ ഒറ്റപ്പെടുത്തുകയും അതുവഴി ഇസ്​ലാമിസ്​റ്റ്​ തീവ്രവാദ ഗ്രൂപ്പുകൾ ഇന്ത്യയിൽ സ്വാധീനമുറപ്പിക്കുന്നതിന്​ അവസരം ഒരുക്കുകയും ചെയ്യും. 2019 മെയ്​ വരെ ഇന്ത്യ - പാക്​ ബന്ധവും വളരെ അസ്വസ്​ഥമായിരിക്കും. അതിർത്തി കടന്നുള്ള തീവ്രവാദം, നിയന്ത്രണ രേഖ കടന്നുള്ള വെടിവെപ്പ്​ എന്നിവ ഇന്ത്യയുടെ പൊതുതെരഞ്ഞെടുപ്പി​െന ബാധിക്കുമെന്നും റിപ്പോർട്ടിൽ ചൂണ്ടിക്കാട്ടുന്നു. 

ഇൻറലിജൻസ്​ ഡയറക്​ടർ ഡാൻ കോട്ടാണ്​ ഇൻറലിജൻസ്​ സെനറ്റ്​ സെലക്​ട്​ കമ്മിറ്റിയിൽ റിപ്പോർട്ട്​ അവതരിപ്പിച്ചത്​. റിപ്പോർട്ട്​ തയാറാക്കിയ സംഘത്തിൽ ഇന്ത്യൻ പര്യടനം കഴിഞ്ഞെത്തിയ സി.​െഎ.എ ഡയറക്​ടർ ജിന ഹാസ്​പെലും എഫ്​.ബി.​െഎ ഡയറക്​ടർ ​ക്രിസ്​റ്റഫർ റേ, പ്രതിരോധ രഹസ്യാന്വേഷണ വിഭാഗം ഡയറക്​ടർ റോബർട്​ അഷ്​ലി എന്നിവരും ഉൾപ്പെട്ടിട്ടുണ്ട്​. 

Loading...
COMMENTS