അന്താരാഷ്​ട്ര യാത്രക്കാർക്ക്​ കോവിഡ്​ നെഗറ്റിവ്​ സർട്ടിഫിക്കറ്റ്​ നിർബന്ധം

ന്യൂഡൽഹി: വിദേശങ്ങളിൽനിന്ന്​ ഇന്ത്യയിലെത്തുന്ന യാത്രക്കാർക്ക്​ കോവിഡ്​ നെഗറ്റിവ്​ സർട്ടിഫിക്കറ്റ്​ നിർബന്ധമെന്ന്​ ആരോഗ്യ മന്ത്രാലയം. ഈ മാസം 25 മുതൽ അന്താരാഷ്​​്ട്ര വിമാന യാത്രക്കാർക്ക്​ ഇന്ത്യയിൽ സഞ്ചാര അനുമതിയായിട്ടുണ്ട്​. ഇതിനായി വിവിധ നിർദേശങ്ങളാണ്​ മന്ത്രാലയം മുന്നോട്ടുവെച്ചിട്ടുള്ളത്​.

ഇന്ത്യയിലേക്ക്​ വരുന്നതിന്​ 72 മണിക്കൂർ മു​മ്പത്തെ കോവിഡ്​ നെഗറ്റിവ്​ സർട്ടിഫിക്കറ്റ്​ ഉണ്ടായിരിക്കണം. വാക്​സിൻ എടുക്കാത്തവരോ, ഭാഗികമായി മാത്രം എടുത്തവരോ ആണെങ്കിൽ ടെസ്​റ്റിനായി സാമ്പിൾ കൊടുത്ത്​ വിമാനത്താവളം വിടാം. എന്നാൽ, ഏഴു ദിവസം ഹോം ക്വാറൻറീൻ നിർബന്ധം. എട്ടാം ദിവസം വീണ്ടും പരിശോധന നടത്തി നെഗറ്റിവായാൽ യാത്ര അനുവദിക്കും. ഏഴു ദിവസത്തേക്കു കൂടി സ്വയം നിരീക്ഷണം വേണം.

വാക്​സിനേഷൻ പൂർത്തിയാക്കിയവർക്ക്​ 14 ദിവസത്തെ സ്വയം നിരീക്ഷണം മതി. എന്നാൽ വാക്​സിനെടുത്ത്​ 15 ദിവസത്തിനു ശേഷം മാത്രമാണ്​ ഇന്ത്യയിൽ എത്തേണ്ടത്​. ലോകാരോഗ്യ സംഘടനയുടെ മാനദണ്ഡങ്ങൾക്ക്​ വിധേയമായി ഇന്ത്യ കരാർ ഒപ്പുവെച്ച 11 രാജ്യങ്ങളിൽനിന്നുള്ളവരുടെ കാര്യത്തിലാണിത്​. യു.കെ, ഫ്രാൻസ്​, നേപ്പാൾ, ജർമനി, ​െബലറൂസ്​, ലബനാൻ, അർമീനിയ, യുക്രെയ്​ൻ, ഷെബൽജിയം, ഹംഗറി, സെർബിയ എന്നിവയാണ്​ ഈ രാജ്യങ്ങൾ.

എയർ സുവിധ പോർട്ടലിൽ നിശ്ചിത സത്യവാങ്​മൂലവും ആർ.ടി.പി.സി.ആർ ടെസ്​റ്റ്​ നെഗറ്റിവ്​ സർട്ടിഫിക്കറ്റും അപ്​ലോഡ്​ ചെയ്യണം. മറ്റു രാജ്യങ്ങളിൽനിന്നാണ്​ വരുന്നതെങ്കിൽ സാമ്പിൾ നൽകുകയും ഏഴു ദിവസം ക്വാറൻറീൻ പൂർത്തിയാക്കുകയും വേണം.