മോദിയുടെ ഏഴുവർഷ ഭരണത്തിൽ ഇന്ത്യയുണ്ടാക്കിയത്​ അത്​ഭുതപൂർവമായ നേട്ടങ്ങൾ -അമിത്​ ഷാ

ന്യൂഡൽഹി: 2014ൽ അധികാരത്തിലെത്തിയ നരേന്ദ്ര മോദി മെയ്​ 30ന്​ ഏഴുവർഷം പൂർത്തിയാക്കുന്ന അവസരത്തിൽ സർക്കാറിനെ പുകഴ്​ത്തി ആഭ്യന്തര മന്ത്രി അമിത്​ ഷാ. സുരക്ഷ, പൊതുജനക്ഷേമം, പരിഷ്​കാരങ്ങൾ എന്നിവയിൽ ഈ കാലയളവിൽ ഇന്ത്യ അത്​ഭുത നേട്ടങ്ങൾക്ക്​ രാജ്യം സാക്ഷ്യം വഹിച്ചുവെന്ന്​ അമിത്​ ഷാ പറഞ്ഞു.

ഹിന്ദിയിലും ഇംഗ്ലീഷിലുമായുള്ള ട്വീറ്റുകളിലൂടെ യാണ്​ അമിത്​ ഷാ മോദി സർക്കാറിനെ പുകഴ്​ത്തിയത്​. മോദി സർക്കാറി​െൻറ നയങ്ങൾ പാവപ്പെട്ടവരെയും കർഷകരെയും പാർശ്വവൽക്കരി​ക്കപ്പെട്ടവരെയും മുഖ്യധാരയിലേക്ക്​ ഉയർത്തിയെന്നും മോദിയെന്ന കരുത്തുറ്റ നേതാവി​െൻറ കീഴിൽ ഇന്ത്യ ശക്തിയുള്ള രാജ്യമായെന്നും അമിത്​ ഷാ പറഞ്ഞു.

ഏഴുവർഷമായി രാജ്യത്തെ ജനങ്ങൾ മോദിയിലുള്ള വിശ്വാസം തുടർച്ചയായി രേഖപ്പെടുത്തിയെന്നും എല്ലാ പ്രതിസന്ധികളെയും മോദിയുടെ നയകാഴ്​ചപ്പാടുകളാൽ മറികടക്കാൻ സാധിക്കുമെന്നും അമിത്​ ഷാ പറഞ്ഞു.