ബാലകോട്ട്​ ആക്രമണത്തിന്​ ഉപയോഗിച്ച ബോംബുകൾ വാങ്ങുന്നു; ഇസ്രായേലുമായി 300 കോടിയുടെ കരാർ

ന്യൂഡൽഹി: ബാലകോട്ട്​ ആക്രമണത്തിന്​ ഉപയോഗിച്ച്​ സ്​പേസ്​ 2000 ബോംബുകൾ ഇന്ത്യ വാങ്ങുന്നു. 300 കോടി ചെലവിട്ട്​ ഇസ്രായേലിൽ നിന്ന്​ ബോംബുകൾ വാങ്ങാനാണ്​ ഇന്ത്യയുടെ പദ്ധതി. ഇതിൻെറ കരാർ ഒപ്പിടാനുള്ള നടപടികളുമായി പ്രതിരോധ മന്ത്രാലയം മുന്നോട്ട്​ പോവുന്നുവെന്നാണ്​ റിപ്പോർട്ടുകൾ.

ഇസ്രായേൽ പ്രതിരോധ സ്ഥാപനമായ റഫാൽ അഡ്വാൻസ്​ഡ്​ ഡിഫൻസ്​ സിസ്​റ്റം എന്ന സ്ഥാപനവുമായാണ്​ ഇന്ത്യ കരാറിൽ ഏർപ്പെടുന്നത്​. രണ്ടാം മോദി സർക്കാർ അധികാരത്തിലെത്തിയതിന്​ ശേഷമുള്ള ആദ്യത്തെ പ്രതിരോധ കരാറാണിത്​​. അടിയന്തിര പ്രാധാന്യത്തോടെ ആയുധം വാങ്ങാനാണ്​ പ്രതിരോധ മന്ത്രാലയത്തിൻെറ പദ്ധതി. ഈ വർഷം അവസാനത്തോടെ ബോംബുകൾ ഇസ്രായേൽ ഇന്ത്യക്ക്​ കൈമാറുമെന്നാണ്​ വിവരം.

900 കിലോയോളം ഭാരം വരുന്ന ബോംബിനുള്ളിൽ 80 കിലോഗ്രാം സ്​ഫോടകവസ്​തു നിറക്കാൻ സാധിക്കും. പുൽവാമ ഭീകരാക്രമണത്തിന്​ മറുപടിയായി ബാലക്കോട്ടിലെ സൈനിക ക്യാമ്പിൽ ആക്രമണം നടത്തിയ ഇന്ത്യൻ സൈന്യം ഉപയോഗിച്ചത്​ സ്​പേസ്​ 2000 ബോംബുകളാണ്​.