മൂന്നു സേനകൾക്കും ഒറ്റ മേധാവി നിയമനത്തിന്​ അനുമതി

ന്യൂ​ഡ​ൽ​ഹി: രാ​ജ്യ​ത്തെ മൂ​ന്നു സേ​ന​ക​ൾ​ക്കും ഒ​റ്റ മേ​ധാ​വി​യെ നി​യ​മി​ക്കാ​ൻ കേ​ന്ദ്ര മ​ന്ത്രി​സ​ഭ​യു​ടെ സു​ര​ക്ഷ​സ​മി​തി അ​നു​മ​തി ന​ൽ​കി. ക​ര, വ്യോ​മ, നാ​വി​ക സേ​ന​ക​ളെ ഏ​കോ​പി​പ്പി​ക്കാ​ൻ ചീ​ഫ്​ ഓ​ഫ്​ ഡി​ഫ​ൻ​സ്​ സ്​​റ്റാ​ഫി​നെ (സി.​ഡി.​എ​സ്) നി​യ​മി​ക്കു​മെ​ന്ന്​ ക​ഴി​ഞ്ഞ സ്വാ​ത​ന്ത്ര്യ​ദി​ന​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ചെ​​ങ്കോ​ട്ട​യി​ൽ പ്ര​ഖ്യാ​പി​ച്ചി​രു​ന്നു.

കാ​ർ​ഗി​ൽ യു​ദ്ധ​ത്തി​​െൻറ പ​ശ്ചാ​ത്ത​ല​ത്തി​ൽ നി​യോ​ഗി​ച്ച കെ. ​സു​ബ്ര​ഹ്മ​ണ്യം സ​മി​തി മു​ന്നോ​ട്ടു​വെ​ച്ച നി​ർ​ദേ​ശം മ​ന്ത്രി​സ​ഭ​ അം​ഗീ​ക​രി​ക്കു​ക​യാ​യി​രു​ന്നു. സം​യു​ക്ത സേ​ന മേ​ധാ​വി​യു​ടെ ചു​മ​ത​ല​ക​ൾ പ​ഠി​ച്ച്​ റി​പ്പോ​ർ​ട്ട്​ സ​മ​ർ​പ്പി​ക്കാ​ൻ ദേ​ശീ​യ സു​ര​ക്ഷ ഉ​പ​ദേ​ഷ്​​ടാ​വ്​ അ​ജി​ത്​ ഡോ​വ​ലി​​െൻറ നേ​തൃ​ത്വ​ത്തി​ലു​ള്ള ഉ​ന്ന​ത​സ​മി​തി​യോ​ട്​ ​ നി​ർ​ദേ​ശി​ച്ചി​രു​ന്നു. ഈ ​സ​മി​തി​യു​ടെ റി​പ്പോ​ർ​ട്ടും​ മ​ന്ത്രി​സ​ഭ സു​ര​ക്ഷ​സ​മി​തി അം​ഗീ​ക​രി​ച്ചു.

ഫോർ സ്​റ്റാർ പദവിയിലിരിക്കുന്ന കര, നാവിക, വ്യോമ സേനാ മേധാവികളിൽ ഒരാളാകും ചീഫ്​ ഡിഫൻസ്​ ഓഫീസറായി വരിക. സംയുക്​ത സൈനിക മേധാവിക്കും ഫോർ സ്​റ്റാർ റാങ്കാകും നൽകുക. അതേസമയം, ആരാക​ും ചീഫ്​ ഓഫ്​ ഡിഫൻസ്​ ആകുകയെന്ന്​ കേന്ദ്രസർക്കാർ പ്രഖ്യാപിച്ചിട്ടില്ല.

കരസേനാ മേധാവി ബിപിൻ റാവത്ത്​ ആദ്യ ചീഫ്​ ഓഫ്​ ഡിഫൻസാകുമെന്ന റിപ്പോർട്ടുകൾ പുറത്ത്​ വരുന്നുണ്ട്​. 64 വയസായിരിക്കും സംയുക്​ത സൈനിക മേധാവിയുടെ വിരമിക്കൽ പ്രായം. ബിപിൻ റാവത്ത്​ സംയുക്​ത സൈനിക മേധാവിയായാൽ അദ്ദേഹത്തിന്​ മൂന്ന്​ വർഷം തസ്​തികയിൽ തുടരാം.