ഇൻഡ്യ മുന്നണി ഭോപാൽ റാലി ഉപേക്ഷിച്ചു

ന്യൂ​ഡ​ൽ​ഹി: പ്ര​തി​പ​ക്ഷ ഐ​ക്യ​മാ​യ ‘ഇ​ൻ​ഡ്യ’ മു​ന്ന​ണി ഒ​ക്​​ടോ​ബ​ർ ആ​ദ്യ​വാ​രം ഭോ​പാ​ലി​ൽ ന​ട​ത്താ​നി​രു​ന്ന റാ​ലി ഉ​പേ​ക്ഷി​ച്ചു. റാ​ലി റ​ദ്ദാ​ക്കി​യെ​ന്ന്​ സം​സ്ഥാ​ന കോ​ൺ​ഗ്ര​സ്​ അ​ധ്യ​ക്ഷ​നും മു​ൻ മു​ഖ്യ​മ​ന്ത്രി​യു​മാ​യ ക​മ​ൽ​നാ​ഥാ​ണ്​ അ​റി​യി​ച്ച​ത്. മ​ധ്യ​പ്ര​ദേ​ശ്​ സ​ർ​ക്കാ​റി​ന്‍റെ അ​ഴി​മ​തി​ക​ൾ ചൂ​ണ്ടി​ക്കാ​ട്ടി സം​സ്ഥാ​ന​ത്ത്​ കോ​ൺ​​ഗ്ര​സ്​ ഏ​ഴ്​ ‘ജ​ന്‍ ആ​ക്രോ​ശ് യാ​ത്ര’​ക​ൾ പ്ര​ഖ്യാ​പി​ച്ച സാ​ഹ​ച​ര്യ​ത്തി​ലാ​ണ്​ ഇ​ൻ​ഡ്യ മു​ന്ന​ണി​യു​ടെ റാ​ലി വേ​ണ്ടെ​ന്നു​വെ​ച്ച​തെ​ന്നാ​ണ്​ പാ​ർ​ട്ടി നേ​താ​ക്ക​ൾ വി​ശ​ദീ​ക​രി​ക്കു​ന്ന​ത്.

ഗ​ണേ​ശ ച​തു​ര്‍ഥി ദി​ന​മാ​യ സെ​പ്​​റ്റം​ബ​ർ 19ന്​ ​ആ​രം​ഭി​ക്കു​ന്ന യാ​ത്ര 15 ദി​വ​സം​കൊ​ണ്ട്​ 230 നി​യ​മ​സ​ഭ മ​ണ്ഡ​ല​ങ്ങ​ളി​ലും എ​ത്തു​ന്ന രീ​തി​യി​ലാ​ണ്​ ക്ര​മീ​ക​രി​ച്ച​ത്. ന​ട​ക്കാ​നി​രി​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഇ​ൻ​ഡ്യ സ​ഖ്യ​ത്തി​ലെ മ​റ്റു പാ​ർ​ട്ടി​ക​ളു​ടെ പി​ന്തു​ണ​യി​ല്ലാ​തെ വി​ജ​യി​ക്കാ​നാ​കു​മെ​ന്ന് കോ​ൺ​ഗ്ര​സി​ന് പ്ര​തീ​ക്ഷ​യു​ള്ള സം​സ്ഥാ​ന​മാ​ണ് മ​ധ്യ​പ്ര​ദേ​ശ്. ഡി.​എം.​കെ​യി​ലെ ഉ​ദ​യ​നി​ധി സ്റ്റാ​ലി​ന്‍റെ സ​നാ​ത​ന ധ​ർ​മ പ​രാ​മ​ർ​ശം ച​ർ​ച്ച​യാ​ക്കാ​നു​ള്ള ബി.​ജെ.​പി ​ശ്ര​മ​ത്തെ ചെ​റു​ക്കാ​നാ​കു​മെ​ന്നും കോ​ൺ​ഗ്ര​സ് വി​ല​യി​രു​ത്തു​ന്നു.

വി​ല​ക്ക​യ​റ്റം, തൊ​ഴി​ലി​ല്ലാ​യ്‌​മ, മോ​ദി സ​ർ​ക്കാ​റി​ന്‍റെ അ​ഴി​മ​തി എ​ന്നി​വ ഉ​യ​ർ​ത്തി വി​വി​ധ സം​സ്ഥാ​ന​ങ്ങ​ളി​ൽ റാ​ലി സം​ഘ​ടി​പ്പി​ക്കാ​നും ആ​ദ്യ​ത്തേ​ത്​ ഭോ​പാ​ലി​ൽ ന​ട​ത്താ​നും എ​ൻ.​സി.​പി നേ​താ​വ്​ ശ​ര​ദ് ​പ​വാ​റി​ന്‍റെ ഡ​ൽ​ഹി​യി​ലെ വ​സ​തി​യി​ൽ ക​ഴി​ഞ്ഞ ദി​വ​സം ചേ​ർ​ന്ന ഏ​കോ​പ​ന സ​മി​തി യോ​ഗ​ത്തി​ലാ​യി​രു​ന്നു തീ​രു​മാ​നി​ച്ച​ത്.

എ​ന്നാ​ൽ, സ​നാ​ത​ന വി​ഷ​യ​ത്തി​ൽ അ​പ​മാ​നി​ത​രാ​യ ജ​ന​ങ്ങ​ള്‍ രോ​ഷാ​കു​ല​രാ​ണെ​ന്നു തി​രി​ച്ച​റി​ഞ്ഞാ​ണ്​ റാ​ലി ഉ​പേ​ക്ഷി​ച്ച​തെ​ന്ന്​ മ​ധ്യ​പ്ര​ദേ​ശ് മു​ഖ്യ​മ​ന്ത്രി ശി​വ​രാ​ജ് സി​ങ് ചൗ​ഹാ​ന്‍ പ്ര​തി​ക​രി​ച്ചു. ഇ​ൻ​ഡ്യ മു​ന്ന​ണി നേ​തൃ​ത്വ​ത്തി​നു ക​രു​ത്തി​ല്ലെ​ന്നും ചൗ​ഹാ​ന്‍ പ്ര​തി​ക​രി​ച്ചു.