രാജ്യത്ത് കോവിഡ് ബാധിതർ 13ലക്ഷം കടന്നു; മരണസംഖ്യയിൽ ആറാംസ്ഥാനത്ത്
text_fields
ന്യൂഡൽഹി: രാജ്യത്തെ കോവിഡ് ബാധിതരുടെ എണ്ണം 13 ലക്ഷം കടന്നു. 13,06,002 പേർക്കാണ് രാജ്യത്ത് രോഗം സ്ഥിരീകരിച്ചത്. മരണസംഖ്യയിൽ ഫ്രാൻസിനെ മറികടന്ന് ഇന്ത്യ ആറാം സ്ഥാനത്തെത്തി. 30,000 ത്തിൽ അധികംപേരാണ് രാജ്യത്ത് ഇതുവരെ കോവിഡ് ബാധിച്ച് മരിച്ചത്. അമേരിക്കയിലും ബ്രസീലിലുമാണ് ഏറ്റവും കൂടുതൽ രോഗബാധിതർ. അമേരിക്കക്കും ബ്രസീലിനും പുറമെ ബ്രിട്ടൻ, മെക്സിക്കോ, ഇറ്റലി എന്നീ രാജ്യങ്ങളിലാണ് ഏറ്റവും കൂടുതൽ പേർ മരിച്ചത്.
മഹാരാഷ്ട്രയാണ് ഏറ്റവും കൂടുതൽ രോഗബാധിതരുള്ള സംസ്ഥാനം. 3,47,502 പേർക്കാണ് മഹാരാഷ്ട്രയിൽ കോവിഡ് ബാധിച്ചത്. തമിഴ്നാട്ടിൽ 1,99,749 പേർക്കും ഡൽഹിയിൽ 1,27,364 പേർക്കും കോവിഡ് സ്ഥിരീകരിച്ചു.
മുന്നാഴ്ചക്കുള്ളിൽ ഇന്ത്യയിലെ കോവിഡ് ബാധിതരുടെ എണ്ണം ഇരട്ടിയായി. ജൂലൈ രണ്ടിന് ആറുലക്ഷം കോവിഡ് കേസുകളാണ് റിപ്പോർട്ട് ചെയ്തിരുന്നത്. ജൂലൈ 17ന് 10 ലക്ഷം കടന്നു. കഴിഞ്ഞ ഒരാഴ്ചക്കുള്ളിൽ മൂന്നുലക്ഷം പേർക്ക് രോഗം സ്ഥിരീകരിക്കുകയും ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
