രാജ്യത്ത് നാല് മാസത്തിനിടയിലെ ഏറ്റവും കുറഞ്ഞ പ്രതിദിന കോവിഡ് കേസുകൾ

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ റിപ്പോർട്ട് ചെയ്തത് നാല് മാസത്തിനിടയിലെ ഏറ്റവും കുറഞ്ഞ പ്രതിദിന കോവിഡ് കേസുകൾ. 30,093 പേർക്കാണ് രോഗം സ്ഥിരീകരിച്ചത്. 45,254 പേർ രോഗമുക്തി നേടി. 374 പേരാണ് ഇന്നലെ മരിച്ചത്. മാർച്ചിന് ശേഷമുള്ള ഏറ്റവും താഴ്ന്ന പ്രതിദിന മരണനിരക്കാണിത്. ആകെ മരണം 4,14,482 ആയി.

2.06 ആണ് രാജ്യത്തെ പ്രതിവാര ടെസ്റ്റ് പോസിറ്റിവിറ്റി നിരക്ക്. രോഗമുക്തി നിരക്ക് 97.37 ആയി ഉയർന്നു. 3,03,53,710 പേരാണ് ആകെ രോഗമുക്തി നേടിയത്. 4,06,130 പേരാണ് ചികിത്സയിൽ തുടരുന്നത്.

52.67 ലക്ഷം ഡോസ് വാക്സിനാണ് ഇന്നലെ നൽകിയത്. ഇതോടെ ആകെ 41.18 കോടി ഡോസ് വാക്സിൻ വിതരണം ചെയ്തു.

കേരളത്തിൽ ഇന്നലെ 9,931 പേര്‍ക്കാണ് കോവിഡ്-19 സ്ഥിരീകരിച്ചത്. 13,206 പേര്‍ രോഗമുക്തി നേടി. 58 മരണം കൂടി റിപ്പോർട്ട് ചെയ്തു. 1,21,708 പേരാണ് സംസ്ഥാനത്ത് ചികിത്സയിൽ തുടരുന്നത്.