ഇന്ത്യയിലെ കോവിഡ്​ രോഗികളുടെ എണ്ണം 35,000 കടന്നു

ന്യൂഡൽഹി: 24 മണിക്കൂറിനിടെ 1993 പേർക്ക്​ കൂടി കോവിഡ്​ സ്​ഥിരീകരിച്ചതോടെ ഇന്ത്യയിലെ കോവിഡ്​ ബാധിതരുടെ എണ്ണം 35,365 ആയി. 24 മണിക്കൂറിനിടെ 564 പേർക്ക്​ രോഗം ഭേദമായതായും 77 പേർ മരിച്ചതായും കേന്ദ്ര ആരോഗ്യ കുടുംബക്ഷേമ മന്ത്രാലയം ജോയൻറ്​ സെക്രട്ടറി ലവ്​ അഗർവാൾ അറിയിച്ചു. 

25,148 രോഗികളാണ്​ നിലവിൽ ചികിത്സയിലുള്ളത്​. 9,064 പേർ രോഗം ഭേദമായവരാണ്​. ഒരാൾ രോഗം സ്​ഥിരീകരിച്ച ശേഷം രാജ്യം വിട്ടതാണ്​. 1,152 ​േപർ മരണത്തിന്​ കീഴടങ്ങി. 

നിയന്ത്രണങ്ങൾ ഒാരോരുത്തരും കർശനമായി പാലിക്കണമെന്നും മാസ്​ക്​ ധരിക്കുന്നതടക്കമുള്ള മുൻകരുതലുകൾ നിർബന്ധമായും സ്വീകരിക്കണമെന്നും ലവ്​ അഗർവാൾ അറിയിച്ചു.