രാജ്യത്ത് കോവിഡ് രോഗികൾ 4.03 ലക്ഷമായി കുറഞ്ഞു; നാല് മാസത്തെ താഴ്ന്ന നിരക്ക്

ന്യൂഡൽഹി: ഇന്ത്യയിൽ നിലവിലെ കോവിഡ് രോഗികളുടെ എണ്ണം 4,03,248 ആയി കുറഞ്ഞു. നാല് മാസത്തിനിടെയുള്ള ഏറ്റവും കുറഞ്ഞ നിരക്കാണിത്. കഴിഞ്ഞ 24 മണിക്കൂറിനിടെ 36,011 പേർക്കാണ് രോഗം സ്ഥിരീകരിച്ചത്. 41,970 പേർ രോഗമുക്തി നേടി.

482 പേർ കൂടി മരിച്ചതോടെ ആകെ മരണം 1,40,182 ആയി ഉയർന്നു. ആകെ രോഗമുക്തി നേടിയവർ 91,00,792 ആണ്. 94.4 ശതമാനമാണ് രാജ്യത്തെ രോഗമുക്തി നിരക്ക്. മരണനിരക്ക് 1.5 ശതമാനമായി തുടരുകയാണ്.

11,01,063 പരിശോധനകൾ ശനിയാഴ്ച നടത്തിയതായി ഐ.സി.എം.ആർ അറിയിച്ചു. 3.3 ശതമാനമാണ് ടെസ്റ്റ് പോസിറ്റിവിറ്റി നിരക്ക്.