പ്രതിദിന രോഗികളുടെ എണ്ണം 30,000ത്തിൽ താഴെ; രാജ്യത്ത്​ 97.3 ലക്ഷം കോവിഡ്​ ബാധിതർ

ന്യൂഡൽഹി: ഇന്ത്യയിൽ പ്രതിദിനം റിപ്പോർട്ട്​ ചെയ്യപ്പെടുന്ന കോവിഡ്​ കേസുകളുടെ എണ്ണം 30000ത്തിൽ താഴെയെത്തി. നിലവിൽ ചികിത്സയിലുള്ളവരുടെ എണ്ണം നാല്​ ലക്ഷത്തിൽ താഴെ മാത്രമാണ്​​.

ആരോഗ്യ കുടുംബക്ഷേമ മന്ത്രാലയത്തിൻെറ കണക്കുകൾ പ്രകാരം 24 മണിക്കൂറിനിടെ രാജ്യത്ത്​ 26,567 കോവിഡ്​ കേസുകളാണ്​ റിപ്പോർട്ട്​ ചെയ്​തത്​. ഇതോടെ രാജ്യത്ത്​ കോവിഡ്​ ബാധിച്ചവരുടെ എണ്ണം 97.3 ലക്ഷമായി.

രോഗബാധിതരേക്കാൾ രോഗമുക്തരുടെ എണ്ണം ഉയരുന്ന സ്​ഥിതി തുടരുകയാണ്​​. 24 മണിക്കൂറിനിടെ 39,045 പേർ രോഗമുക്തരായി. 3,83,866 പേരാണ്​ നിലവിൽ ചികിത്സയിലുള്ളത്​. 24 മണിക്കൂറിനിടെ 385 പേർ രോഗം ബാധിച്ച്​ മരിച്ചു. ഇതോടെ രാജ്യത്ത്​ കോവിഡ്​ ബാധിച്ച്​ മരിച്ചവരുടെ എണ്ണം 1,40,958 ആയി.