രാജ്യത്ത് കോവിഡ് 19 ബാധിതരുടെ എണ്ണം125 ആയി
text_fieldsന്യൂഡൽഹി: കൊറോണ വൈറസ് ബാധിതരുടെ എണ്ണം രാജ്യത്ത് 125 ആയി. ഏറ്റവും ഒടുവിൽ നോയിഡയിൽ രണ്ട് പേർക്ക് പുതുതായി കേ ാവിഡ് സ്ഥിരീകരിച്ചു. നോയിഡ സെക്ടർ 78ലും 100ലുമുള്ളവർക്കാണ് േരാഗം സ്ഥിരീകരിച്ചത്. ഇവർ ഫ്രാൻസിൽനിന്ന് എത്തിയവരാണ്. ഉത്തർപ്രദേശിൽ ഇതുവരെ 13 പേർക്കാണ് വൈറസ് ബാധിച്ചത്.
ഒഡിഷയിൽ സർക്കാർ യാത്രാ വിലക്ക് ഏർപ്പെടുത്തി. ബുധനാഴ്ച മുതൽ യൂറോപ്യൻ രാജ്യങ്ങളിൽ നിന്നും യു.കെയിൽ നിന്നുമുള്ള യാത്രക്കാരെ നിരോധിക്കുകയും ചെയ്തിട്ടുണ്ട്.
ജമ്മുകശ്മീർ, ലഡാക്, കേരളം എന്നീ സംസ്ഥാനങ്ങളിൽ പുതിയ കോവിഡ് 19 സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. നാല് പേർക്കു കൂടി കോവിഡ് 19 സ്ഥിരീകരിച്ചതായും ആകെ കോവിഡ് ബാധിതരുടെ എണ്ണം 39 ആയതായും മഹാരാഷ്ട്ര സർക്കാർ അറിയിച്ചു.
കോവിഡ് 19 ബാധിച്ച് മഹാരാഷ്ട്രയിൽ ഇന്ന് ആദ്യ മരണം സംഭവിച്ചു. മുംബയിൽ കോവിഡ് 19 സ്ഥിരീകരിച്ച 64 കാരനാണ് മരിച്ചത്. ഇയാൾ കസ്തൂർബ ആശുപത്രിയിൽ ചികിത്സയിലായിരുന്നു. രാജ്യത്ത് വൈറസ് ബാധയെ തുടർന്ന് നടക്കുന്ന മുന്നാമത്തെ മരണമാണിത്. മരിച്ചയാളുടെ ഭാര്യക്കും മകനും രോഗം സ്ഥിരീകരിച്ചിട്ടുണ്ട്. ഇവരും കസ്തൂർബാ ആശുപത്രിയിൽ ചികിത്സയിലാണ്.
Latest Videos:
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.