അ​രു​ണാ​ച​ലി​ലെ പ്ര​ദേ​ശ​ങ്ങ​ളു​ടെ പേ​രു​മാ​റ്റി ചൈ​ന; അ​സം​ബ​ന്ധ​മെ​ന്ന് ഇ​ന്ത്യ

ന്യൂ​ഡ​ല്‍ഹി: അ​രു​ണാ​ച​ല്‍ പ്ര​ദേ​ശി​ലെ പ്ര​ദേ​ശ​ങ്ങ​ളു​ടെ പേ​രു​മാ​റ്റി ചൈ​ന. 27 ഇ​ട​ങ്ങ​ളു​ടെ പേ​രാ​ണ് ക​ഴി​ഞ്ഞ ദി​വ​സം ചൈ​ന സ്വ​ന്തം നി​ല​യി​ൽ മാ​റ്റി​യ​ത്. ഇ​തി​ൽ 15 പ​ർ​വ​ത​ങ്ങ​ളും അ​ഞ്ച് താ​മ​സ​സ്ഥ​ല​ങ്ങ​ളും നാ​ല് ചു​ര​ങ്ങ​ളും ര​ണ്ട് പു​ഴ​ക​ളും ഒ​രു ത​ടാ​ക​വും പെ​ടു​മെ​ന്ന് മാ​ധ്യ​മ റി​പ്പോ​ർ​ട്ടു​ക​ൾ പ​റ​യു​ന്നു. ചൈ​നീ​സ് നീ​ക്ക​ത്തി​നെ​തി​രെ ഇ​ന്ത്യ ശ​ക്ത​മാ​യി രം​ഗ​ത്തു​വ​ന്നു. പേ​രു​മാ​റ്റി​യ​ത് അ​സം​ബ​ന്ധ​വും വ്യ​ർ​ഥ​വു​മാ​ണെ​ന്ന് ഇ​ന്ത്യ പ്ര​തി​ക​രി​ച്ചു. പേ​രു​മാ​റ്റി​യ​തു​കൊ​ണ്ട് യാ​ഥാ​ര്‍ഥ്യം മാ​റി​ല്ലെ​ന്നും ചൈ​ന​യു​ടെ നീ​ക്കം ത​ള്ളു​ന്നു​വെ​ന്നും വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് ര​ൺ​ധീ​ർ ജ​യ്‌​സ്വാ​ൾ പ​റ​ഞ്ഞു.

അ​രു​ണാ​ച​ലി​ലെ സ്ഥ​ല​ങ്ങ​ള്‍ക്ക് പേ​രി​ടാ​നു​ള്ള വ്യ​ർ​ഥ ശ്ര​മ​ങ്ങ​ള്‍ ചൈ​ന തു​ട​രു​ന്ന​ത് ശ്ര​ദ്ധ​യി​ല്‍പെ​ട്ടു. ഈ ​കാ​ര്യ​ത്തി​ല്‍ ഇ​ന്ത്യ​ക്ക് കൃ​ത്യ​മാ​യ നി​ല​പാ​ടു​ണ്ട്. പേ​രി​ട​ലി​ലൂ​ടെ അ​വി​ട​ത്തെ യാ​ഥാ​ര്‍ഥ്യ​ത്തി​ല്‍ മാ​റ്റം വ​രു​ത്താ​നാ​കി​ല്ല. അ​രു​ണാ​ച​ല്‍ ഇ​ന്ന​ലെ​യും ഇ​ന്നും ഇ​ന്ത്യ​യു​ടെ അ​വി​ഭാ​ജ്യ​വും അ​നി​ഷേ​ധ്യ​വു​മാ​യ ഭാ​ഗ​മാ​ണ്. അ​ത് നാ​ളെ​യും തു​ട​ർ​ന്നും അ​ങ്ങ​നെ ആ​യി​രി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി. ഇ​ക്കാ​ര്യ​ത്തെ​ക്കു​റി​ച്ചു​ള്ള മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​ന് മ​റു​പ​ടി ന​ൽ​കു​ക​യാ​യി​രു​ന്നു ജ​യ്‌​സ്വാ​ൾ. ടി​ബ​റ്റി​ന്റെ തെ​ക്ക​ൻ ഭാ​ഗ​മാ​ണെ​ന്ന് അ​വ​കാ​ശ​പ്പെ​ടു​ന്ന അ​രു​ണാ​ച​ലി​ലെ ചി​ല സ്ഥ​ല​ങ്ങ​ൾ​ക്ക് ബെ​യ്ജി​ങ് ചൈ​നീ​സ് പേ​രു​ക​ൾ പ്ര​ഖ്യാ​പി​ച്ച ചോ​ദ്യ​ത്തി​ന് മ​റു​പ​ടി​യാ​യാ​ണ് പ്ര​തി​ക​ര​ണം. ഇ​തി​ന് മു​മ്പും ഇ​വി​ട​ത്തെ സ്ഥ​ല​ങ്ങ​ള്‍ക്ക് ചൈ​ന പേ​രു​ക​ള്‍ ന​ല്‍കി​യി​ട്ടു​ണ്ട്. ചൈ​ന​യു​ടെ ഭാ​ഗ​മാ​യ ടി​ബ​റ്റ​ന്‍ പ്ര​വി​ശ്യ​യു​ടെ ഭാ​ഗ​മാ​ണ് അ​രു​ണാ​ച​ല്‍ പ്ര​ദേ​ശ് എ​ന്നാ​ണ് അ​വ​രു​ടെ അ​വ​കാ​ശ​വാ​ദം. 2024ല്‍ 30 ​സ്ഥ​ല​ങ്ങ​ള്‍ക്ക് വേ​റെ പേ​രു​ക​ള്‍ ന​ല്‍കി ചൈ​ന പ്ര​ത്യേ​ക ഭൂ​പ​ടം പു​റ​ത്തി​റ​ക്കി​യി​രു​ന്നു. ഈ ​നീ​ക്കം ഇ​ന്ത്യ രൂ​ക്ഷ​മാ​യ പ്ര​തി​ക​ര​ണ​ത്തോ​ടെ അ​ന്ന് ത​ള്ളി.

അ​രു​ണാ​ച​ലി​ലെ ആ​റ് സ്ഥ​ല​ങ്ങ​ളു​ടെ പേ​രു​ക​ളു​ടെ ആ​ദ്യ പ​ട്ടി​ക 2017 ലാ​ണ് ചൈ​ന പു​റ​ത്തി​റ​ക്കി​യ​ത്. 15 സ്ഥ​ല​ങ്ങ​ളു​ടെ ര​ണ്ടാ​മ​ത്തെ പ​ട്ടി​ക 2021ൽ ​പു​റ​ത്തു​വി​ട്ടു. 11 സ്ഥ​ല​ങ്ങ​ളു​ടെ പേ​രു​ക​ളു​ള്ള മ​റ്റൊ​രു പ​ട്ടി​ക 2023ലും ​പു​റ​ത്തി​റ​ക്കി.

കി​ഴ​ക്ക​ൻ ല​ഡാ​ക്ക് അ​തി​ർ​ത്തി​യി​ലെ സം​ഘ​ർ​ഷ​ത്തെ​ത്തു​ട​ർ​ന്ന് ഇ​രു രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം സാ​ധാ​ര​ണ നി​ല​യി​ലാ​യി വ​രു​ന്ന​തി​നി​ടെ​യാ​ണ് അ​രു​ണാ​ച​ൽ പ്ര​ദേ​ശി​ലെ സ്ഥ​ല​ങ്ങ​ളു​ടെ പേ​രു​ക​ളു​ടെ പു​തി​യ പ​ട്ടി​ക ചൈ​ന പു​റ​ത്തി​റ​ക്കി​യ​ത്. അ​ഞ്ചു​വ​ർ​ഷ​ത്തെ ഇ​ട​വേ​ള​ക്കു​ശേ​ഷം, ക​ഴി​ഞ്ഞ മാ​സം ഇ​രു​രാ​ജ്യ​ങ്ങ​ളും കൈ​ലാ​സ് മാ​ന​സ​രോ​വ​ർ യാ​ത്ര പു​ന​രാ​രം​ഭി​ക്കാ​ൻ തീ​രു​മാ​നി​ച്ചി​രു​ന്നു. ഈ ​നീ​ക്കം ബ​ന്ധം ന​ന്നാ​ക്കാ​നു​ള്ള ശ്ര​മ​മാ​യി ക​രു​തു​മ്പോ​ഴാ​ണ് പേ​രു​മാ​റ്റ​വു​മാ​യി ചൈ​ന പ്ര​കോ​പ​ന നീ​ക്കം തു​ട​രു​ന്ന​ത്.

കോ​വി​ഡും കി​ഴ​ക്ക​ൻ ല​ഡാ​ക്കി​ലെ യ​ഥാ​ർ​ഥ നി​യ​ന്ത്ര​ണ രേ​ഖ​യി​ൽ (എ​ൽ.​എ.​സി) ഇ​രു സൈ​ന്യ​ങ്ങ​ളും ത​മ്മി​ലു​ള്ള സം​ഘ​ർ​ഷ​വും മൂ​ലം 2020ൽ ​കൈ​ലാ​സ് മാ​ന​സ​രോ​വ​ർ യാ​ത്ര നി​ർ​ത്തി​വെ​ച്ചി​രു​ന്നു. ക​ഴി​ഞ്ഞ വ​ർ​ഷം ഒ​ക്ടോ​ബ​ർ 21ന് ​ഒ​പ്പു​വെ​ച്ച ക​രാ​ർ പ്ര​കാ​രം ഇ​ന്ത്യ​യു​ടെ​യും ചൈ​ന​യു​ടെ​യും സൈ​ന്യ​ങ്ങ​ൾ ഡെം​ചോ​ക്ക്, ഡെ​പ്സാ​ങ് എ​ന്നീ ര​ണ്ട് സം​ഘ​ർ​ഷ കേ​ന്ദ്ര​ങ്ങ​ളി​ൽ​നി​ന്ന് സൈ​നി​ക​രെ പി​ൻ​വ​ലി​ക്ക​ൽ പൂ​ർ​ത്തി​യാ​ക്കി.

ര​ണ്ട് ദി​വ​സ​ത്തി​നു​ശേ​ഷം, പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ചൈ​നീ​സ് പ്ര​സി​ഡ​ന്റ് ഷി ​ജി​ൻ​പി​ങ്ങും റ​ഷ്യ​ൻ ന​ഗ​ര​മാ​യ ക​സാ​നി​ൽ ച​ർ​ച്ച ന​ട​ത്തി ഉ​ഭ​യ​ക​ക്ഷി സം​ഭാ​ഷ​ണ സം​വി​ധാ​ന​ങ്ങ​ൾ പു​ന​രു​ജ്ജീ​വി​പ്പി​ക്കാ​ൻ സ​മ്മ​തി​ച്ചി​രു​ന്നു. അ​തി​നു​ശേ​ഷം, കു​റ​ച്ച് മാ​സ​ങ്ങ​ളാ​യി ഇ​രു​പ​ക്ഷ​വും ഉ​ഭ​യ​ക​ക്ഷി ബ​ന്ധം സാ​ധാ​ര​ണ നി​ല​യി​ലാ​ക്കു​ക​യെ​ന്ന ല​ക്ഷ്യ​ത്തോ​ടെ നി​ര​വ​ധി കൂ​ടി​ക്കാ​ഴ്ച​ക​ളും ന​ട​ത്തി.

അ​തി​നു​പി​ന്നാ​ലെ​യാ​ണ് പു​തി​യ ​ന​ട​പ​ടി. പ​ഹ​ൽ​ഗാം ആ​ക്ര​മ​ണ​ത്തി​നു​പി​ന്നാ​ലെ പാ​കി​സ്താ​നു​മാ​യു​ണ്ടാ​യ സം​ഘ​ർ​ഷ​ത്തി​ന്റെ പു​ക​യ​ട​ങ്ങും മു​മ്പാ​ണ് ചൈ​ന​യു​ടെ പ്ര​കോ​പ​നം.