അഫ്​ഗാനി​െല സ്ഥിതി സൂക്ഷ്​മമായി നിരീക്ഷിക്കുന്നുവെന്ന്​ ഇന്ത്യ

ന്യൂഡൽഹി: താലിബാൻ അഫ്​ഗാനിസ്​താൻ നഗരമായ കാബൂളിലെത്തിയതോടെ സ്ഥിതിഗതികൾ സൂക്ഷ്​മമായി നിരീക്ഷിക്കുകയാ​െണന്ന്​ ഇന്ത്യ. നയതന്ത്രപ്രതിനിധികളെ അഫ്​ഗാനിൽ നിന്നും പുറത്തെത്തിക്കാനുള്ള നീക്കങ്ങൾക്ക്​ ഇന്ത്യ തുടക്കം കുറിച്ചു. ഉടൻ നയതന്ത്ര പ്രതിനിധികളെ തിരിച്ചെത്തിക്കുന്നത്​ സംബന്ധിച്ച്​ തീരുമാനമുണ്ടാകുമെന്നാണ്​ സൂചന.

ജൂലൈയിൽ തന്നെ അഫ്​ഗാനിലെ ഇന്ത്യൻ പൗരൻമാർക്ക് രാജ്യം​ സുരക്ഷ മുന്നറിയിപ്പ്​ നൽകിയിരുന്നു. അത്യാവശ്യകാര്യങ്ങൾക്ക്​ മാത്രം യാത്ര നടത്തിയാൽ മതിയെന്ന്​ പൗരൻമാരോട്​ ഇന്ത്യ നിർദേശിച്ചു. അഫ്​ഗാനിലെ പല പ്രവിശ്യകളിലും താലിബാൻ സിവിലിയൻമാരെ ആക്രമിക്കുന്നുവെന്ന മുന്നറിയിപ്പിനെ തുടർന്നായിരുന്നു ഇന്ത്യയുടെ നടപടി.

അതേസമയം, സംഘർഷം ശക്​തമായതോടെ അഫ്​ഗാൻ പൗരൻമാർക്ക്​ അതിവേഗത്തിൽ വിസ നൽകുന്നതിനുള്ള ക്രമീകരണങ്ങളും ഇന്ത്യ ഏർപ്പെടുത്തിയെന്നാണ്​ സൂചന. ഇന്ത്യയിൽ നിന്ന്​ 40 യാത്രക്കാരേയും വഹിച്ച്​ കാബൂളിലേക്ക്​ പറന്ന വിമാനം ഇന്ന്​ ഉച്ചയോടെ സുരക്ഷിതമായി ലാൻഡ്​ ചെയ്​തിരുന്നു. 160 ഓളം യാത്രക്കാരുമായി വിമാനം ഇന്ന്​ തന്നെ ഇന്ത്യയിലേക്ക്​ മടങ്ങും.