ഇന്ത്യ-കാനഡ തർക്കം ബിഷ്ണോയിലേക്ക്

ന്യൂഡൽഹി: ഇന്ത്യയിലും കാനഡയിലും ക്രിമിനൽ സംഘങ്ങളെ ഉപയോഗിച്ച് സംഘടിത കുറ്റകൃത്യങ്ങളിലേർപ്പെടുന്ന ലോറൻസ് ബിഷ്‍ണോയിയെ ചൊല്ലി ഇന്ത്യയും കാനഡയും തമ്മിൽ പുതിയ തർക്കം. ലോറൻസ് ബിഷ്ണോയിയുടെ സംഘത്തിൽപ്പെട്ട കുറ്റവാളികളെ വിട്ടുകിട്ടാൻ ഇന്ത്യ ആവശ്യപ്പെട്ടിട്ടും കാനഡ വൈമുഖ്യം കാണിക്കുകയായിരുന്നുവെന്ന് വിദേശ മന്ത്രാലയ വക്താവ് രൺധീർ ജയ്സ്വാൾ വാർത്തസമ്മേളനത്തിൽ കുറ്റപ്പെടുത്തി. ഇത്തരമൊരു സാഹചര്യത്തിൽ, ലോറൻസ് ബിഷ്‍ണോയി സംഘം ഇന്ത്യ ഗവൺമെന്റിന്റെ ഏജന്റുമാരുമായി ബന്ധപ്പെട്ടാണ് പ്രവർത്തിക്കുന്നതെന്ന് കാനഡ ആരോപിക്കുന്നത് വിരോധാഭാസമാണെന്നും ജയ്സ്വാൾ കുറ്റപ്പെടുത്തി.

കാനഡ വിട്ടുനൽകണമെന്ന് ഇന്ത്യ ആവശ്യപ്പെട്ട കുറ്റവാളികൾ തന്നെ ആ രാജ്യത്ത് കുറ്റകൃത്യം നടത്തുന്നുവെന്ന് കനേഡിയൻ പൊലീസ് പറയുന്നതും അതിന് ഇന്ത്യയെ കുറ്റപ്പെടുത്തുന്നതും വിചിത്രമാണെന്ന് ജയ്സ്വാൾ പറഞ്ഞു. 26 കുറ്റവാളികളെ വിട്ടുകിട്ടാനുള്ള ഇന്ത്യയുടെ ആവശ്യം ഇപ്പോഴും കാനഡ അംഗീകരിച്ചിട്ടില്ല. അതിന് പുറമെയാണ് ചിലരുടെ അറസ്റ്റിനായുള്ള അപേക്ഷകൾ. ഇവരുടെ സമ്പത്ത് കണ്ടുകെട്ടുന്ന കാര്യം ബന്ധപ്പെട്ട ഏജൻസികൾ പരിശോധിക്കുന്നുണ്ട്.

ഇന്ത്യവിരുദ്ധ തീവ്രവാദികളാണ് കാനഡയിൽ വിരട്ടലും അക്രമവും നടത്തുന്നത്. എന്നാൽ, ഇന്ത്യ വിരുദ്ധ സംഘങ്ങൾക്കെതിരെ നടപടി എടുക്കുന്നില്ല. ഭീകരാക്രമണക്കേസുകളിൽ ലോറൻസ് ബിഷ്ണോയ് സംഘത്തിലുള്ളവരടക്കമുണ്ട്. ബിഷ്ണോയ് സംഘത്തിലുള്ളവരെ അറസ്റ്റ് ചെയ്യണമെന്നത് ഇന്ത്യയുടെ പ്രധാന ആവശ്യവും ആശങ്കയുമാണ്. കാനഡ എന്തുത​ന്നെ ആരോപിച്ചാലും ഹർദീപ് സിങ് നിജ്ജറിന്റെ വധത്തിൽ കാനഡ നാടുകടത്തിയ ഇന്ത്യൻ സ്ഥാനപതിക്കും മറ്റു അഞ്ച് നയതന്ത്ര ഉദ്യോഗസ്ഥർക്കും ബന്ധമില്ലെന്ന നിലപാടിൽ ഉറച്ചുനിൽക്കുകയാണെന്ന് ജയ്സ്വാൾ പറഞ്ഞു.

അമേരിക്കയുടെ ആരോപണത്തിന് ഇന്ത്യയുടെ സ്ഥിരീകരണം

ന്യൂ​ഡ​ൽ​ഹി: ഖ​ലി​സ്ഥാ​ൻ വി​ഘ​ട​ന വാ​ദി നേ​താ​വ്​ ഗു​ർ​പ​ന്ത് സി​ങ് പ​ന്നു​നി​നെ വ​ധി​ക്കാ​ൻ ശ്ര​മി​ച്ച സം​ഭ​വ​ത്തി​ൽ ഇ​ന്ത്യ​ൻ ര​ഹ​സ്യാ​ന്വേ​ഷ​ണ ഏ​ജ​ൻ​സി റി​സ​ർ​ച്ച് ആ​ൻ​ഡ് അ​നാ​ലി​സി​സ് വി​ങ് (റോ) ​മു​ൻ ഓ​ഫി​സ​ർ​ക്ക് പ​ങ്കു​ണ്ടെ​ന്ന വി​വ​രം അ​മേ​രി​ക്ക​യു​ടെ സ്റ്റേ​റ്റ് ജ​സ്റ്റി​സ് ഡി​പ്പാ​ർ​ട്മെ​ന്റ് കൈ​മാ​റി​യി​ട്ടു​ണ്ടെ​ന്ന് ഇ​ന്ത്യ. ഇ​ക്കാ​ര്യം സ്ഥി​രീ​ക​രി​ച്ച വി​ദേ​ശ മ​ന്ത്രാ​ല​യ വ​ക്താ​വ് ഈ ​മു​ൻ ‘റോ’ ​ഓ​ഫി​സ​ർ ഇ​പ്പോ​ൾ കേ​ന്ദ്ര സ​ർ​വി​സി​ൽ ഇ​ല്ലെ​ന്ന് പ​റ​ഞ്ഞു. അ​മേ​രി​ക്ക​യു​ടെ സ്റ്റേ​റ്റ് ജ​സ്റ്റി​സ് ഡി​പ്പാ​ർ​ട്മെ​ന്റ് ക​ഴി​ഞ്ഞ ദി​വ​സം പു​റ​ത്തു​വി​ട്ട കു​റി​പ്പി​ൽ സി.​സി-1 എ​ന്ന് വ്യ​ക്ത​മാ​ക്കി​യ മു​ൻ ‘​റോ’ ​ഓ​ഫി​സ​റു​ടെ കാ​ര്യ​ത്തി​ലാ​ണ് സ്ഥി​രീ​ക​ര​ണം.

പ​ന്നു​നി​ന്റെ വ​ധ​ത്തെ കു​റി​ച്ച് അ​മേ​രി​ക്ക​യും ഇ​ന്ത്യ​യും ഏ​കോ​പി​ച്ച് ര​ണ്ട് വ്യ​ത്യ​സ്ത അ​ന്വേ​ഷ​ണം ന​ട​ത്തു​ന്നു​ണ്ടെ​ന്ന് വ​ക്താ​വ് പ​റ​ഞ്ഞു. 2023ൽ ​ഇ​തി​നാ​യു​ണ്ടാ​ക്കി​യ അ​ന്വേ​ഷ​ണ​സം​ഘം വി​ഷ​യം പ​ഠി​ക്കു​ക​യാ​ണ്. അ​തി​നാ​ണ് സം​ഘ​ത്തി​ലെ ര​ണ്ടു​പേ​ർ അ​മേ​രി​ക്ക​യി​ലേ​ക്ക് പോ​യ​തെ​ന്നും ജ​യ്സ്വാ​ൾ പ​റ​ഞ്ഞു.

വി​ക്രം യാ​ദ​വ് എ​ന്ന മു​ൻ ‘റോ’ ​ഓ​ഫി​സ​റാ​ണ്​ ഗു​ർ​പ​ത്വ​ന്ത് സി​ങ് പ​ന്നു​നി​നെ കൊ​ല​പ്പെ​ടു​ത്താ​നാ​യി സം​ഘ​ത്തെ ശ​ട്ടം​കെ​ട്ടി​യ​തെ​ന്ന് വാ​ഷി​ങ്ട​ൺ പോ​സ്റ്റ് റി​പ്പോ​ർ​ട്ട് ചെ​യ്തി​രു​ന്നു. വ​ധ​ശ്ര​മ​ത്തി​നു ശേ​ഷം സി.​ആ​ർ.​പി.​എ​ഫി​ൽ നി​ന്ന് ഡെ​പ്യൂ​ട്ടേ​ഷ​നി​ൽ ‘റോ’​യി​ലേ​ക്ക് പോ​യ യാ​ദ​വി​നെ സി.​ആ​ർ.​പി.​എ​ഫി​ലേ​ക്ക് തി​രി​കെ ട്രാ​ൻ​സ്ഫ​ർ ചെ​യ്തു​വെ​ന്നും റി​പ്പോ​ർ​ട്ടി​ലു​ണ്ടാ​യി​രു​ന്നു. വ​ധ​ശ്ര​മ​ത്തി​ലെ സ​ഹ ഗൂ​ഢാ​ലോ​ച​ക​ൻ (സി.​സി-1) എ​ന്നാ​ണ് യാ​ദ​വി​നെ വി​ശേ​ഷി​പ്പി​ച്ചി​രു​ന്ന​ത്.