Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഇന്ത്യയെ തുറന്ന...

ഇന്ത്യയെ തുറന്ന സമ്പദ്​​വ്യവസ്​ഥയുള്ള രാജ്യമാക്കും –മോദി

text_fields
bookmark_border
ഇന്ത്യയെ തുറന്ന സമ്പദ്​​വ്യവസ്​ഥയുള്ള രാജ്യമാക്കും –മോദി
cancel

ടോക്യോ: ഇന്ത്യയെ ലോകത്തെ തുറന്ന സമ്പദ്​​വ്യവസ്​ഥയുള്ള രാജ്യമാക്കുകയാണ്​ ലക്ഷ്യമെന്ന്​ പ്രധാന​മന്ത്രി നരേ​ന്ദ്രമോദി. ഇന്ത്യയിൽ നിക്ഷേപം നടത്താൻ ജപ്പാനിലെ വ്യവസായികളെ  ക്ഷണിച്ചുകൊണ്ട്​ സംസാരിക്കുകയായിരുന്നു അദ്ദേഹം. അതുല്യമായ അവസരങ്ങളുടെ നാടാണ്​ ഇന്ത്യ. രാജ്യത്തി​​െൻറ വികസനത്തിന്​ ഗണ്യമായ വരുമാനം ആവശ്യമുണ്ട്​. ഇന്ത്യയെ ലോകത്തെ തുറന്ന സമ്പദ്​വ്യവസ്​ഥയുള്ള  രാജ്യമാക്കുന്നതിന്​ വേണ്ടി പരിഷ്​കരണങ്ങൾ നടന്നുകൊണ്ടിരിക്കുകയാണ്​.  ഇന്ത്യയിലെ നിക്ഷേപവുമായി ബന്ധപ്പെട്ട്​​ ജപ്പാ​​െൻറ ആശങ്കകൾ പരിഹരിക്കുമെന്നും മോദി പറഞ്ഞു.

മൂന്നു ദിവസത്തെ ജപ്പാൻ സന്ദർശനത്തിനെത്തിയ പ്രധാനമന്ത്രി നരേന്ദ്ര മോദി ജപ്പാൻ ചക്രവർത്തി അകിതോയുമായും പ്രധാനമന്ത്രി ഷിൻസോ അബെയുമായും കൂടിക്കാഴ്​ച നടത്തി. ആണവക്കരാർ രൂപീകരണമാണ്​ കൂടിക്കാഴ്​ചയു​ടെ പ്രധാനലക്ഷ്യം. ആണവ റിയാക്​ടറുകൾ, ആണവ ഇന്ധനം, സാ​​േങ്കതിക വിദ്യ എന്നിവ കൈമാറുന്നതാണ്​ കരാർ. ആണവ കരാറിന്​ ജപ്പാൻ പാർലമ​െൻറ്​ അംഗീകാരം ലഭിക്കേണ്ടത​ുണ്ട്​. ഒരു വർഷം മുമ്പ്​  കരാർ സംബന്ധിച്ച്​ ഇരുരാഷ്​ട്രങ്ങളും ധാരണയിലെത്തിയിരുന്നുവെന്ന്​ വിദേശകാര്യ വക്​താവ്​ വികാസ്​ സ്വരൂപ്​ പറഞ്ഞു.

ആണവ റിയാക്​ടറുകൾ നിർമിക്കുന്നതിനെ കുറിച്ച്​ ജപ്പാനിലെ തൊഷിബ കമ്പനിയുടെ ഉടമസ്​ഥതയിലുള്ള വെസ്​റ്റിങ്ങ്​ഹൗസ് ​ഇലക്​ട്രിക്​ എന്ന അമേരിക്ക ആസ്​ഥാനമായ കമ്പനിയുമായി ഇന്ത്യ വിശദമായ ചർച്ചകൾ നടത്തിയിരുന്നു. തെക്കൻ ന്യൂഡൽഹിയിൽ ആറു ആണവ റിയാക്​ടറുകൾ നിർമിക്കുന്നതിനെ കുറിച്ചായിരുന്നു​ ചർച്ച.  2032 ആകു​േമ്പാഴേക്കും ഇന്ത്യയുടെ ആണവശേഷി 10 മടങ്ങ്​ വർധിപ്പിക്കുകയാണ്​ ലക്ഷ്യം.

നീണ്ട ചർച്ചകൾക്ക്​ ശേഷമാണ്​ ആണവനിർവ്യാപന കരാറിൽ ഒപ്പുവെക്കാത്ത ഇന്ത്യയുമായി ആണവ കരാറിന്​ ജപ്പാൻ തയാറായത്​. ആണവായുധ പ്രയോഗത്തിനിരയായ ഏക രാജ്യമായ ജപ്പാൻ ഇനി ആണവ പരീക്ഷണം നടത്തില്ലെന്ന ഉറപ്പ്​ ഇന്ത്യയിൽ നിന്ന്​ ലഭിച്ചതിനെതുടർന്നാണ്​ കരാറിന്​ തയ്യാറായത്​​.  ഇന്ത്യ ആണവ പരീക്ഷണം നടത്തുകയാണെങ്കിൽ ജപ്പാൻ കരാറിൽ നിന്ന്​ പിൻവാങ്ങും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:japanShinzo Abep mIndia News
News Summary - India aims to be world's most open economy, PM Modi says
Next Story