പാ​ർ​ട്ടി നേ​താ​ക്ക​ളും അ​ന്വേ​ഷ​ക​രു​മാ​യി ഉ​ര​സ​ൽ; സ്വതന്ത്ര റിപ്പോർട്ട്​ ബി.ജെ.പിയിൽ പുകഞ്ഞുകത്തുന്നു

ന്യൂ​ഡ​ൽ​ഹി: കേ​ര​ള​ത്തി​ലേ​റ്റ തി​രി​ച്ച​ടി, ഫ​ണ്ട്​ ദു​ർ​വി​നി​യോ​ഗം, നേ​താ​ക്ക​ളു​ടെ പോ​ര്​ എ​ന്നി​വ​യെ​ക്കു​റി​ച്ച്​ പ്ര​മു​ഖ​രാ​യ മൂ​ന്ന്​ മു​ൻ ഉ​ദ്യോ​ഗ​സ്​​ഥ​ർ പ്ര​ധാ​ന​മ​​ന്ത്രി ന​രേ​ന്ദ്ര മോ​ദി​ക്ക് ന​ൽ​കി​യ റി​പ്പോ​ർ​ട്ട്​ ബി.​​ജെ.​പി​യി​ൽ പു​ക​ഞ്ഞു​ക​ത്തു​ന്നു.

ഇ​ത്ത​ര​മൊ​രു റി​പ്പോ​ർ​ട്ട്​ ന​ൽ​കാ​ൻ പാ​ർ​ട്ടി ആ​രെ​യും ചു​മ​ത​ല​പ്പെ​ടു​ത്തി​യി​ട്ടി​ല്ലെ​ന്ന്​ പ​റ​ഞ്ഞൊ​ഴി​യാ​ൻ ബി.​ജെ.​പി നേ​താ​ക്ക​ൾ ശ്ര​മി​ച്ച​ത്​ കാ​ര്യ​ങ്ങ​ൾ കൂ​ടു​ത​ൽ വ​ഷ​ളാ​ക്കി. 'അ​ധി​കാ​ര​പ്പെ​ട്ട അ​ധി​കൃ​ത​ർ'​ക്ക്​ റി​േ​പ്പാ​ർ​ട്ട്​ ന​ൽ​കി​യി​ട്ടു​ണ്ടെ​ന്ന്​ കേ​ന്ദ്രം ചു​മ​ത​ല​പ്പെ​ടു​ത്തി​യ​വ​ർ പ​ര​സ്യ​മാ​ക്കി. പാ​ർ​ട്ടി​ക്ക്​ റി​പ്പോ​ർ​ട്ട്​ കൊ​ടു​ത്തി​ല്ല, ചോ​ദി​ച്ച​വ​ർ​ക്ക്​ കൊ​ടു​ത്തി​ട്ടു​ണ്ടെ​ന്ന്​ സി.​വി. ആ​ന​ന്ദ​ബോ​സ്​ തു​റ​ന്ന​ടി​ച്ചു. ഇ​തോ​ടെ പാ​ർ​ട്ടി നേ​താ​ക്ക​ൾ വെ​ട്ടി​ലാ​യി.

സി.​വി. ആ​ന​ന്ദ​ബോ​സി​ന്​ പു​റ​മെ ജേ​ക്ക​ബ്​ തോ​മ​സ്, ഇ. ​ശ്രീ​ധ​ര​ൻ എ​ന്നി​വ​രാ​ണ്​ സ്വ​ത​ന്ത്ര​മാ​യ അ​ന്വേ​ഷ​ണം ന​ട​ത്തി പ്ര​ധാ​ന​മ​ന്ത്രി​ക്ക്​ നേ​രി​ട്ട്​ റി​പ്പോ​ർ​ട്ട്​ ന​ൽ​കി​യ​ത്. നേ​തൃ​മാ​റ്റം അ​ട​ക്കം ഇ​വ​ർ മു​ന്നോ​ട്ടു​വെ​ച്ച നി​ർ​ദേ​ശ​ങ്ങ​ൾ ഇ​തി​ന​കം പു​റ​ത്തു​വ​ന്നി​ട്ടു​മു​ണ്ട്. ജേ​ക്ക​ബ്​ തോ​മ​സും ഇ​തേ​ക്കു​റി​ച്ച്​ പ​ര​സ്യ​മാ​യി പ​റ​ഞ്ഞി​ട്ടു​ണ്ട്. ഇ​തോ​ടെ പ്ര​തി​സ​ന്ധി​യി​ലാ​യ പാ​ർ​ട്ടി​യു​ടെ മു​ഖം ര​ക്ഷി​ക്കാ​നാ​ണ്​ നി​ഷേ​ധ​പ്ര​സ്​​താ​വ​ന​ക​ൾ ഒ​ന്നി​നു പി​റ​കെ ഒ​ന്നാ​യി​വ​ന്ന​ത്.

സം​സ്​​ഥാ​ന പ്ര​സി​ഡ​ൻ​റ്​ കെ. ​സു​രേ​ന്ദ്ര​ൻ, വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ൻ എ​ന്നി​വ​രു​ടെ നി​ഷേ​ധ​ത്തി​നു​പു​റ​മെ, ദേ​ശീ​യ ജ​ന​റ​ൽ സെ​ക്ര​ട്ട​റി അ​രു​ൺ സി​ങ്ങി​േ​ൻ​റ​താ​യി ​പ്ര​ത്യേ​ക പ്ര​സ്​​താ​വ​ന​യും ക​ഴി​ഞ്ഞ ദി​വ​സം പു​റ​ത്തി​റ​ങ്ങി. റി​പ്പോ​ർ​ട്ട്​ ന​ൽ​കി​യ​വ​ർ ഇ​തി​ൽ ക്ഷു​ഭി​ത​രാ​ണ്. പാ​ർ​ട്ടി​യി​ലെ സു​രേ​ന്ദ്ര​ൻ, മു​ര​ളീ​ധ​ര​ൻ ചേ​രി ഒ​ത്തു​ക​ളി​ച്ച്​ റി​പ്പോ​ർ​ട്ട്​ ന​ൽ​കി​യ​വ​രെ ഏ​തോ ഗൂ​ഢ​സം​ഘ​മെ​ന്ന​പോ​ലെ അ​വ​ഹേ​ളി​ക്കു​ന്നു​വെ​ന്ന്​ എ​തി​ർ​പ​ക്ഷം ആ​രോ​പി​ക്കു​ക​യും ചെ​യ്യു​ന്നു.

സ്വ​ത​ന്ത്ര റി​പ്പോ​ർ​ട്ട്​ ന​ൽ​കി​യ മൂ​ന്നു പേ​രി​ൽ, ഡി.​ജി.​പി ത​സ്​​തി​ക വ​ഹി​ച്ച മു​ൻ പൊ​ലീ​സ്​ ഓ​ഫി​സ​റാ​ണ്​ ജേ​ക്ക​ബ്​ തോ​മ​സ്. വി​വി​ധ കേ​ന്ദ്ര​മ​ന്ത്രാ​ല​യ​ങ്ങ​ളി​ൽ ഉ​ന്ന​ത പ​ദ​വി​ക​ളി​ലി​രു​ന്ന ഐ.​എ.​എ​സ്​ ഉ​ദ്യോ​ഗ​സ്​​ഥ​നാ​ണ്​ സി.​വി. ആ​ന​ന്ദ​ബോ​സ്. മെ​ട്രോ​മാ​ൻ എ​ന്ന നി​ല​യി​ൽ പേ​രെ​ടു​ത്ത​യാ​ളാ​ണ്​ ഇ. ​ശ്രീ​ധ​ര​ൻ. ഇ​വ​രെ​യാ​ണ് പാ​ർ​ട്ടി നേ​താ​ക്ക​ൾ ഇ​പ്പോ​ൾ ത​ള്ളി​പ്പ​റ​യു​ന്ന​ത്.

പാ​ർ​ട്ടി നേ​താ​ക്ക​ളെ മാ​റ്റി​നി​ർ​ത്തി സ്വ​ത​ന്ത്ര റി​പ്പോ​ർ​ട്ട്​ തേ​ടി​യ മോ​ദി, അ​മി​ത്​​ഷാ​മാ​രാ​ക​​ട്ടെ മൗ​നം​പാ​ലി​ക്കു​ക​യാ​ണ്. ഡ​ൽ​ഹി​യി​ൽ പ​ല​ദി​വ​സം കാ​ത്തു​നി​ന്നി​ട്ടും സം​സ്​​ഥാ​ന​ പ്ര​സി​ഡ​ൻ​റ്​ കെ. ​സു​രേ​ന്ദ്ര​ന്​ കൂ​ടി​ക്കാ​ഴ്​​ച​ക്ക്​ സ​മ​യം കൊ​ടു​ക്കാ​തെ ഇ​രു​വ​രും മു​ഖം​തി​രി​ക്കു​ക​യാ​യി​രു​ന്നു. വി​വാ​ദ​പു​രു​ഷ​നാ​യി മാ​റി​യ സു​രേ​ന്ദ്ര​ന്​ ത​ൽ​ക്കാ​ലം ക​സേ​ര​ക്ക്​ ഇ​ള​ക്ക​മി​ല്ലെ​ങ്കി​ലും 'ശു​ദ്ധി​ക​ല​ശ'​ത്തി​ലേ​ക്കാ​ണ്​ സം​സ്​​ഥാ​ന​ഘ​ട​കം നീ​ങ്ങു​ന്ന​ത്.

ഇ​തി​നി​ട​യി​ലാ​ണ്, എ​തി​രാ​ളി​ക​ൾ​ക്ക്​ ആ​യു​ധം കൊ​ടു​ക്കാ​തെ പാ​ർ​ട്ടി​യു​ടെ മു​ഖം​ര​ക്ഷി​ക്കാ​നു​ള്ള ശ്ര​മ​ത്തി​ൽ ദേ​ശീ​യ ജ​ന​റ​ൽ സെ​ക്ര​ട്ട​റി അ​രു​ൺ സി​ങ്​ പ്ര​സ്​​താ​വ​ന ന​ൽ​കി​യ​ത്. പാ​ർ​ട്ടി റി​പ്പോ​ർ​ട്ട്​ ആ​വ​ശ്യ​പ്പെ​ട്ടി​ല്ല എ​ന്ന സാ​​ങ്കേ​തി​ക​ന്യാ​യ​ത്തി​ൽ തൂ​ങ്ങി​യാ​ണ്​ പ്ര​സ്​​താ​വ​ന. കേ​ര​ള​ത്തി​െൻറ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി ബി.​എ​ൽ. സ​ന്തോ​ഷോ​ പ്ര​ഭാ​രി സി.​പി. രാ​ധാ​കൃ​ഷ്​​ണ​നോ അ​ല്ല, വ​ള​ഞ്ഞ​വ​ഴി​യി​ലാ​ണ്​ പ്ര​സ്​​താ​വ​ന ഇ​റ​ക്കി​യ​തെ​ന്ന​തും ശ്ര​ദ്ധേ​യം.