സ്വാതന്ത്ര്യ ദിനാഘോഷത്തിനൊരുങ്ങി രാജ്യം

ന്യൂ​ഡ​ൽ​ഹി: 77ാം സ്വാ​ത​ന്ത്ര്യ ദി​നാ​ഘോ​ഷ​ത്തി​ന്​ ഒ​രു​ങ്ങി രാ​ജ്യം. ചൊ​വ്വാ​ഴ്ച രാ​വി​ലെ ചെ​ങ്കോ​ട്ട​യി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ദേ​ശീ​യ പ​താ​ക ഉ​യ​ർ​ത്തി​യ​തി​ന്​ ശേ​ഷം രാ​ജ്യ​ത്തെ അ​ഭി​സം​ബോ​ധ​ന ചെ​യ്തു പ്ര​സം​ഗി​ക്കും. കോ​വി​ഡ്​ നി​യ​ന്ത്ര​ണ​ങ്ങ​ൾ​ക്ക്​ ശേ​ഷ​മു​ള്ള ഏ​റ്റ​വും വ​ലി​യ സ​ദ​സ്സാ​കും ഈ ​വ​ർ​ഷം സ്വാ​ത​ന്ത്ര്യ ദി​നാ​ഘോ​ഷ ച​ട​ങ്ങു​ക​ൾ വീ​ക്ഷി​ക്കാ​ൻ ചെ​ങ്കോ​ട്ട​യി​ൽ എ​ത്തു​ക. 2021 മാ​ർ​ച്ചി​ൽ ആ​രം​ഭി​ച്ച ‘ആ​സാ​ദി കാ ​അ​മൃ​ത് മ​ഹോ​ത്സ​വ’​ത്തി​ന്‍റെ സ​മാ​പ​നം ഈ ​വ​ർ​ഷ​ത്തെ സ്വാ​ത​ന്ത്ര്യ​ദി​ന​ത്തി​ലാ​ണ്. വി​വി​ധ മേ​ഖ​ല​ക​ളി​ൽ​നി​ന്നു​ള്ള 1,800 പേ​രെ പ്ര​ത്യേ​ക അ​തി​ഥി​ക​ളാ​യി ച​ട​ങ്ങി​ലേ​ക്കു ക്ഷ​ണി​ച്ചി​ട്ടു​ണ്ട്.

സ്വാ​ത​ന്ത്ര്യ​ദി​നാ​ഘോ​ഷ​ങ്ങ​ൾ​ക്കി​ടെ മ​ണി​പ്പൂ​രി​ലെ കു​ക്കി, മെ​യ്തേ​യ് വി​ഭാ​ഗ​ത്തി​ലെ അം​ഗ​ങ്ങ​ളു​ടെ പ്ര​തി​ഷേ​ധ​മു​ണ്ടാ​യേ​ക്കാ​മെ​ന്ന കേ​ന്ദ്ര ഇ​ന്റ​ലി​ജ​ൻ​സ് റി​പ്പോ​ർ​ട്ടി​നെ​ത്തു​ട​ർ​ന്നു ഡ​ൽ​ഹി​യി​ൽ വ​ലി​യ സു​ര​ക്ഷ​യാ​ണ്​ ഒ​രു​ക്കി​യ​ത്. പ്ര​ധാ​ന​മ​ന്ത്രി രാ​ജ്യ​ത്തെ അ​ഭി​സം​ബോ​ധ​ന ചെ​യ്യു​മ്പോ​ൾ പ്ര​തി​ഷേ​ധ മു​ദ്രാ​വാ​ക്യം മു​ഴ​ക്കാ​നും പ്ല​ക്കാ​ർ​ഡ് ഉ​യ​ർ​ത്താ​നും സാ​ധ്യ​ത​യു​ണ്ടെ​ന്നാ​ണു ര​ഹ​സ്യാ​ന്വേ​ഷ​ണ റി​പ്പോ​ർ​ട്ട്.