Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിൻ പോർട്ടലിൽ...

കോവിൻ പോർട്ടലിൽ വിവരചോർച്ചയുണ്ടായെന്ന റിപ്പോർട്ടുകൾ നിഷേധിച്ച്​ കേന്ദ്രസർക്കാർ

text_fields
bookmark_border
കോവിൻ പോർട്ടലിൽ വിവരചോർച്ചയുണ്ടായെന്ന റിപ്പോർട്ടുകൾ നിഷേധിച്ച്​ കേന്ദ്രസർക്കാർ
cancel

ന്യൂഡൽഹി: കോവിൻ പോർട്ടലിൽ വിവരചോർച്ചയുണ്ടായെന്ന റിപ്പോർട്ടുകൾ തെറ്റാണെന്ന്​ കേന്ദ്രസർക്കാർ. ഇതുമായി ബന്ധപ്പെട്ട റിപ്പോർട്ടുകൾ അടിസ്ഥാനമില്ലാത്തതാണെന്ന്​ ആരോഗ്യമന്ത്രാലയം അറിയിച്ചു. പോർട്ടലിലെ വാക്​സിനേഷൻ സംബന്ധിച്ച എല്ലാ വിവരങ്ങളും സുരക്ഷിതമാണെന്നും മന്ത്രാലയം വ്യക്​തമാക്കി.

കോവിൻ പോർട്ടലിലെ 150 മില്യൺ ഉപയോക്​താക്കളുടെ വിവരങ്ങൾ ഹാക്കർമാർ ചോർത്തിയെന്നായിരുന്നു റിപ്പോർട്ട്​. പിന്നീട്​ ഈ വിവരങ്ങൾ വിൽപനക്ക്​ വെച്ചുവെന്നും വാർത്തകൾ പുറത്ത്​ വന്നു. അതേസമയം, ചോർച്ച ഉണ്ടായിട്ടില്ലെന്ന്​ പറയു​േമ്പാഴും ഇലക്​ട്രോണിക്​സ്​ ആൻഡ്​ ഇൻഫർമേഷൻ ടെക്​നോളജി മന്ത്രാലയത്തിലെ കമ്പ്യൂട്ടർ എമർജൻസി റെസ്​പോൺസ്​ ടീമിനോട്​ സംഭവം അന്വേഷിക്കാൻ കേന്ദ്രസർക്കാർ നിർദേശിച്ചിട്ടുണ്ട്​.

കോവിൻ പോർട്ടലിലെ വിവരങ്ങൾ ചോർന്നതായി റിപ്പോർട്ടുകൾ വന്നിരുന്നു. എന്നാൽ, പ്രാഥമിക അന്വേഷണത്തിൽ ഇത്തരം വാർത്തകൾ തെറ്റാണെന്ന്​ മനസിലായി. ഉപയോക്​താക്കളുടെ ജിയോ ലൊക്കേഷൻ ഉൾപ്പടെയുള്ള വിവരങ്ങൾ ചോർന്നുവെന്നാണ്​ പറയുന്നത്​. എന്നാൽ, കോവിൻ പോർട്ടൽ ഇത്തരം വിവരങ്ങൾ ശേഖരിക്കാറി​ല്ലെന്ന്​ വാക്​സിൻ വിതരണവുമായി ബന്ധപ്പെട്ട്​ പ്രവർത്തിക്കുന്ന ഡോ.ആർ.എസ്​ ശർമ്മ പറഞ്ഞു. കോവിൻ പോർട്ടലിലെ ഒരു വിവരവും ആരുമായും പങ്കുവെക്കാറില്ലെന്നും അദ്ദേഹം വ്യക്​തമാക്കി.

Show Full Article
TAGS:Cowin 
News Summary - Incorrect and baseless': Health Ministry dismisses reports of CoWin data breach
Next Story