പരിശോധന അവസാനിച്ചു; ഭീതിയോ പക്ഷപാതമോ ഇല്ലാതെ മാധ്യമപ്രവർത്തനം തുടരുമെന്ന് ബി.ബി.സി

ലണ്ടൻ: ബി.ബി.സിയുടെ ഡൽഹി, മുംബൈ ഓഫീസുകളിലെ ആദായ നികുതി വകുപ്പിന്‍റെ 58 മണിക്കൂറിലേറെ നീണ്ട പരിശോധന അവസാനിച്ചു. വ്യാഴാഴ്ച രാത്രി എട്ടോടെ മുംബൈയിലെ ഓഫീസിൽ നിന്നും, 10.30ഓടെ ഡൽഹിയിലെ ഓഫീസിൽനിന്നും ഉദ്യോഗസ്ഥർ മടങ്ങി. തൊട്ടുപിന്നാലെ, സ്വതന്ത്ര മാധ്യമപ്രവർത്തനം തുടരുമെന്ന് ബി.ബി.സി പ്രതികരിച്ചു.

ഭീതിയോ പക്ഷപാതമോ ഇല്ലാതെ മാധ്യമ​പ്രവർത്തനം തുടരും. രാത്രി വീട്ടിൽ പോകാൻപോലുമാവാതെ നീണ്ട ചോദ്യംചെയ്യലിന് വിധേയരായ ജീവനക്കാരെ തങ്ങൾ പിന്തുണക്കുന്നു. ഇന്ത്യയിലെ തങ്ങളുടെ പ്രവർത്തനം സാധാരണ നിലയിലായതായും ബി.ബി.സി അറിയിച്ചു.

പരിശോധന നടക്കവെ, ഏതാണ്ട് 10 മുതിർന്ന ജീവനക്കാർക്ക് രണ്ട് രാത്രികളിൽ ഓഫിസിൽ തന്നെ കഴിയേണ്ടി വന്നു. ഇന്ത്യയിൽ നിന്നുള്ള ലാഭവിഹിതത്തിന് നികുതി അടയ്ക്കുന്നതിൽ നടത്തിയ തിരിമറി കണ്ടെത്താൻ അക്കൗണ്ട് ബുക്കുകൾ, കമ്പ്യൂട്ടറുകൾ, ജീവനക്കാരുടെ മൊബൈലുകൾ എന്നിവയിലെ വിവരങ്ങൾ പകർത്തുന്ന ജോലിയാണ് പുരോഗമിക്കുന്നതെന്ന് അധികൃതർ അറിയിച്ചിരുന്നു.

അ​ഭി​പ്രാ​യ സ്വാ​ത​ന്ത്ര്യ​ത്തി​ന്‍റെ പേ​രി​ൽ എ​ല്ലാം അ​നു​വ​ദി​ക്കാ​നാ​വി​ല്ല -ഉ​പ​രാ​ഷ്ട്ര​പ​തി

ഇ​ന്ത്യ​യു​ടെ വ​ള​ർ​ച്ച​ക്ക്​ ത​ട​സ്സം സൃ​ഷ്ടി​ക്കു​ന്ന വ്യാ​ജ​മാ​യ ആ​ഖ്യാ​ന​ങ്ങ​ളെ ഫ​ല​പ്ര​ദ​മാ​യി പ്ര​തി​രോ​ധി​ക്കേ​ണ്ട​തു​ണ്ടെ​ന്ന്​​ ​ഉ​പ​രാ​ഷ്ട്ര​പ​തി ജ​ഗ്​​ദീ​പ്​ ധ​ൻ​ഖ​ർ. അ​ഭി​പ്രാ​യ സ്വാ​ത​ന്ത്ര്യ​ത്തി​ന്‍റെ പേ​രി​ൽ എ​ല്ലാം അ​നു​വ​ദി​ക്കാ​നാ​വി​ല്ലെ​ന്നും ഉ​പ​രാ​ഷ്ട്ര​പ​തി പ​റ​ഞ്ഞു. ഇ​ന്ത്യ​ൻ ഇ​ൻ​ഫ​ർ​മേ​ഷ​ൻ പ്ര​ബേ​ഷ​ൻ ഉ​ദ്യോ​ഗ​സ്ഥ​രു​മാ​യി സം​വ​ദി​ക്കു​ന്ന​തി​നി​ട​യി​ലാ​ണ്​ ബി.​ബി.​സി​യു​ടെ പേ​ര്​ പ​രാ​മ​ർ​ശി​ക്കാ​തെ ഉ​പ​രാ​ഷ്ട്ര​പ​തിയുടെ പ്രതികരണം.