എട്ടുവർഷംകൊണ്ട്​ നിർമിച്ച പാലം ഉദ്​ഘാടനം ചെയ്​ത്​ 29ാം ദിവസം തകർന്നു

ഗോപാൽഗഞ്ച്​: ബിഹാറിൽ ഒരുമാസം മുമ്പ്​ ഉദ്​ഘാടനം ചെയ്​ത പാലം കനത്ത മഴയിൽ തകർന്നുവീണ​ു. പാറ്റ്​നയിൽ നിന്ന്​ 150 കിലോമീറ്റർ അകലെ ഗോപാൽഗഞ്ചിൽ ഗന്ധക്​ നദിക്ക്​ കുറുകെ നിർമിച്ച പാലമാണ്​ തകർന്നുവീണത്​. 260 കോടി മുതൽമുടക്കി നിർമിച്ച പാലമാണിത്​.

പാലം ബന്ധിപ്പിച്ചിരുന്ന റോഡിന്​ വെള്ളത്തി​​െൻറ ഒഴുക്ക്​ താങ്ങാൻ കഴിയാതിരുന്നതാണ്​ അപകടത്തിന്​ ഇടയാക്കിയതെന്ന്​ അധികൃതർ പറയുന്നു. പാലത്തി​​െൻറ ഒരുഭാഗം തകർന്നുവീണതിനെ തുടർന്ന് നദിയിലെ​ ജലനിരപ്പ്​ ഉയർന്നു. കഴിഞ്ഞ 24 മണിക്കൂറായി ബിഹാറിൽ കനത്ത മഴയാണ്​ ലഭിക്കുന്നത്​. 

ജൂൺ 16നാണ്​ 1.4 കിലോമീറ്റർ ദൂരമുള്ള സത്തർഘട്ട്​ പാലം മുഖ്യമന്ത്രി നിതീഷ്​ കുമാർ ഉദ്​ഘാടനം ചെയ്​തത്​. എട്ടുവർഷം മുമ്പ്​ നിർമാണം ആരംഭിച്ച പാലത്തി​​െൻറ പണി ഈ വർഷം പൂർത്തിയാക്കുകയായിരുന്നു. 

അതേസമയം ഇത്രയും വലിയ തുക മുടക്കി നിർമിച്ച പാലം പൊളിഞ്ഞുവീണത​ിനെതിരെ പ്രതിപക്ഷം രംഗത്തെത്തി. 263 കോടി മുടക്കി എട്ടുവർഷം കൊണ്ട്​ നിർമിച്ച പാലത്തിന്​ 29 ദിവസം മാത്രമായിരുന്നു ആയുസെന്ന്​ ആർ.ജെ.ഡി നേതാവ്​ തേജസ്വി യാദവ്​ സമൂഹമാധ്യമത്തിൽ കുറിച്ചു. നിതീഷ്​ കുമാർ സർക്കാരി​​െൻറ അഴിമതിയാണ്​ പുറത്തുവരുന്നതെന്നും ബിഹാർ മുഴുവൻ കൊള്ളയടിക്കുകയാണെന്നും ​അദ്ദേഹം കൂട്ടിച്ചേർത്തു. 

#WATCH: Portion of Sattarghat Bridge on Gandak River that was inaugurated by CM Nitish Kumar last month in Gopalganj collapsed yesterday, after water flow increased in the river due to heavy rainfall. #Bihar pic.twitter.com/cndClJHIAa

— ANI (@ANI) July 16, 2020