Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമകൾക്കൊപ്പം പോകവേ...

മകൾക്കൊപ്പം പോകവേ പൊലീസ്​ മുഖത്തടിച്ചു; ചോദ്യം ചെയ്​ത്​ യുവാവ്​

text_fields
bookmark_border
മകൾക്കൊപ്പം പോകവേ പൊലീസ്​ മുഖത്തടിച്ചു; ചോദ്യം ചെയ്​ത്​ യുവാവ്​
cancel

ചെറിയ മകൾക്കൊപ്പം പച്ചക്കറി വാങ്ങാൻ ബൈക്കിൽ പോയ യുവാവിനെ പൊലീസ്​ മുഖത്തടിച്ചു. ഹെൽ​െമറ്റ്​ ധരിച്ചിട്ടില്ല എന്ന കുറ്റത്തിനാണ്​ ​െപാലീസ്​ ഉദ്യോഗസ്​ഥൻ യുവാവിന്‍റെ മുഖത്തടിച്ചത്​. ഇതേ തുടർന്ന്​ യുവാവ്​ പൊലീസുകാരുമായി തർക്കിക്കുന്ന വീഡിയോ ദൃശ്യങ്ങൾ ഇപ്പോൾ വൈറൽ ആയിരിക്കുകയാണ്​.



ഹെൽമെറ്റ്​ എന്‍റെ മകളുടെ മുന്നിൽവെച്ച്​ എന്‍റെ മുഖത്തടിച്ചത്​ എന്തിനാണെന്നും നിങ്ങൾക്ക്​ ഫൈൻ തന്നാൽ പോരായിരുന്നോ എന്നും യുവാവ്​ ചോദിക്കുന്ന ദൃശ്യങ്ങളാണ്​ ഇപ്പോൾ പ്രചരിക്കുന്നത്​. ഹൈദരാബാദിലെ മഹ്ബൂബാബാദ് ജില്ലയിൽ ഞായറാഴ്ചയാണ്​ സംഭവം. ഇരുവരും തമ്മിലുള്ള തർക്കത്തിന്‍റെ വീഡിയോകൾ ഓൺലൈനിൽ വ്യാപകമായി ഷെയർ ചെയ്യപ്പെടുന്നുണ്ട്​. സ്​ഥലത്തെത്തിയ മുതിർന്ന പൊലീസ്​ ഉദ്യോഗസ്​ഥരോടും യുവാവ്​ കാര്യങ്ങൾ വിശദീകരിക്കുന്നുണ്ട്​. എട്ട്​ വയസുള്ള തന്‍റെ മകളുടെ മുന്നിൽവെച്ച്​ അടിക്കാൻ പൊലീസിന്​ എന്ത്​ അധികാരം എന്നാണ്​ യുവാവ്​ ചോദിക്കുന്നത്​.

ഹെൽമെറ്റ്​ ധരിക്കാത്തതിന്​ ഫൈൻ ഈടാക്കുകയാണ്​ വേണ്ടത്​. അല്ലാതെ ഉപദ്രവിക്കാൻ അധികാരമില്ല. യുവാവ്​ പൊലീസിനോട്​ പറയുന്നു. ശ്രീനിവാസ് എന്ന യുവാവും മകളുമാണ്​ ​തെലങ്കാന പൊലീസിന്‍റെ അതിക്രമത്തിന്​ ഇരയായത്​. ഇവരെ സഹായിക്കാൻ എത്തിയ ആൾക്കൂട്ടത്തെ പൊലീസ്​ വിരട്ടി ഓടിക്കുന്നതും വീഡിയോയിൽ കാണാം. ഭയന്ന്​ കരഞ്ഞ മകളെ ശ്രീനിവാസ്​ ആശ്വസിപ്പിക്കുന്ന ദൃശ്യങ്ങളും വ്യാപകമായി പ്രചരിക്കുന്നുണ്ട്​. കരയണ്ട, നമ്മൾ തെറ്റൊന്നും ചെയ്​തിട്ടില്ല. പിന്നെ എന്തിന്​ ഭയക്കണമെന്നും ശ്രീനിവാസ്​ മകളോട്​ ചോദിക്കുന്നു. ട്വീറ്റർ അടക്കമുള്ള സമൂഹ മാധ്യമങ്ങളിൽ വീഡിയോ വ്യാപകമായി പ്രചരിക്കുന്നുണ്ട്​. പലരും പൊലീസിന്‍റെ പ്രവൃത്തിയെ ചോദ്യം ചെയ്​തും രംഗത്തെത്തി.

Show Full Article
TAGS:viral video cop daughter 
News Summary - In Viral Video, Man Asks Cop "Why Hit Me?" As Daughter, 8, Breaks Down
Next Story