ദലിത് വിദ്യാർഥികളുടെ പാത്രങ്ങൾ തൊടില്ല, പ്രത്യേകം മാറ്റിവെക്കും; യു.പിയിലെ സ്​കൂളിൽ കടുത്ത ജാതിവിവേചനം

ലഖ്​നോ: ഉത്തർപ്രദേശിലെ മെയിൻപുരിയിലെ പട്ടികജാതി വിഭാഗത്തിൽപ്പെട്ട കുട്ടികൾ സ്​കൂളിൽ നേരിടുന്നത്​ കടുത്ത ജാതിവിവേചനം. 80ൽ 60പേരും ദലിത്​ വിഭാഗത്തിൽപ്പെടുന്ന വിദ്യാർഥികൾ പഠിക്കുന്ന

ദൗദാപു​രിലെ സർക്കാർ ​ൈപ്രമറി സ്​കൂളിലാണ്​ ജാതി വിവേചനം. പിഞ്ചു വിദ്യാർഥികൾക്ക് ഉച്ചഭക്ഷണം നൽകുന്ന പാത്രങ്ങൾ അധ്യാപകരോ പാചക തൊഴിലാളികളോ തൊടാറില്ല. അടുക്കളയോട്​ ചേർന്ന വൃത്തിയില്ലാത്ത പ്രത്യേക മുറിയിലാണ്​ ഇവ സൂക്ഷിച്ചിരിക്കുന്നതും. കൂടാതെ ഭക്ഷണം കഴിച്ചതിന്​ ശേഷം പിഞ്ചുകുട്ടികൾ തന്നെ പാത്രം കഴുകി വെക്കുകയും വേണമെന്നും 'ദ ഇന്ത്യൻ എക്​സ്​പ്രസ്​' റിപ്പോർട്ട്​ ചെയ്യുന്നു.

സ്​കൂളിൽ ബേവാർ ബ്ലോക്ക്​ അധികാരികൾ നടത്തിയ പരിശോധനയുടെ അടിസ്​ഥാനത്തിൽ പ്രധാനാധ്യാപകൻ ഗരീം രജ്​പുത്തിനെ സസ്​പെൻഡ്​ ചെയ്​തു. കൂടാതെ രണ്ടു പാചക ​െതാഴിലാളികളെയും പുറത്താക്കി. ദലിത്​ വിദ്യാർഥികൾ ഉപയോഗിക്കുന്ന പാത്രങ്ങൾ തങ്ങൾ കൈകൊണ്ട്​ തൊടില്ലെന്ന്​ പാചക തൊഴിലാളികൾ പറഞ്ഞതായി അധികൃതർ പറയുന്നു.

ഗ്രാമത്തിൽ പുതുതായി അധികാരമേറ്റ സർപഞ്ച്​ മഞ്​ജുദേവിയുടെ ഭർത്താവിന്‍റെ പരാതിയിലായിരുന്നു അധികൃതരുടെ പരിശോധന. പരാതി ലഭിച്ചതിന്‍റെ അടിസ്​ഥാനത്തിൽ സ്​കൂളിൽ പരിശോധന നടത്തിയതായും കുറ്റകാർക്കെതിരെ നടപടി സ്വീകരിച്ചതായും മൈൻപുരി ബേസിക്​ ശിക്ഷ അധികാരി കമൽ സിങ്​ പറഞ്ഞു.

'ദലിത്​ വിദ്യാർഥികളും മറ്റു വിദ്യാർഥികളും ഉപയോഗിക്കുന്ന പാത്രങ്ങൾ പ്രത്യേകം സൂക്ഷിച്ചിരിക്കുന്നതായായിരുന്നു പരാതി. ബ്ലോക്ക്​ വികസന ഓഫിസറും മറ്റു അധികൃതരും സ്​കൂളിൽ സന്ദർശനം നടത്തിയിരുന്നു. പാചകത്തൊഴിലാളികളായ സോമവതിയും ലക്ഷ്​മി ദേവിയും എസ്​.സി വിദ്യാർഥികൾ ഉപയോഗിച്ചിരുന്ന പാത്രം തൊടാൻ പോലും തയാറായിരുന്നില്ല. തങ്ങളെ അതിന്​ നിർബന്ധിച്ചാൽ സ്​കൂളിൽ ജോലി തുടരില്ലെന്നായിരുന്നു അവരുടെ മറുപടി. കൂടാതെ അവർ ജാതിഅധിക്ഷേപവും നടത്തി' - കമൽ സിങ്​ പറഞ്ഞു.

സെപ്​റ്റംബർ 15നാണ്​ സ്​കൂളിൽ ജാതിവിവേചനം നേരിടുന്നുവെന്ന്​ ചില വിദ്യാർഥികളുടെ മാതാപിതാക്കൾ സർപഞ്ച്​ മഞ്​ജുദേവിയുടെ ഭർത്താവ്​ സഹബ്​ സിങ്ങിനെ അറിയിച്ചത്​. 'സെപ്​റ്റംബർ 18ന്​ സ്​കൂളിൽ ഒരു യോഗത്തിനായി ഞാൻ പോയിരുന്നു. അടുക്കള വൃത്തികേടാക്കി ഇട്ടിരിക്കുകയായിരുന്നു. അവിടെ 10-15 പാത്രങ്ങൾ മാത്രമാണ്​ കാണാൻ സാധിച്ചതും. മറ്റു പാത്രങ്ങൾ എവിടെയെന്ന്​ പാചകക്കാരോട്​ ചോദിച്ചപ്പോൾ അടുക്കളയിൽ സൂക്ഷിച്ചിരിക്കുന്നത്​ മറ്റു വിദ്യാർഥികളുടേതാണെന്നും എസ്​.സി വിദ്യാർഥികളുടെ 50-60ഓളം പാത്രങ്ങൾ മാറ്റി സൂക്ഷിച്ചിട്ടുണ്ടെന്നും അറിയിച്ചു. കുട്ടികൾ തന്നെയാണോ അവരുടെ പാത്രങ്ങൾ കഴുകുന്നതെന്ന്​ ചോദിച്ചപ്പോൾ ഞങ്ങൾ അവരുടെ പാത്രങ്ങൾ തൊടില്ലെന്നായിരുന്നു മറുപടി​' -സഹബ്​ സിങ്​ പറഞ്ഞു. തുടർന്ന്​ അദ്ദേഹം അധികാരികൾക്ക്​ പരാതി നൽകുകയായിരുന്നു.

ഗ്രാമത്തിൽ 35 ശതമാനം ദലിത്​ വിഭാഗത്തിൽപ്പെട്ടവരാണ്​. അത്രതന്നെ താക്കൂർ വിഭാഗവും ഉൾപ്പെടും. പിന്നാക്ക വിഭാഗക്കാരാണ്​ മറ്റുള്ളവരെന്നും സഹബ്​ സിങ്​ പറയുന്നു.

'ബി.ജെ.പി ദലിത്​ ഉന്നമനത്തെചൊല്ലി നിരവധി അവകാശ വാദങ്ങൾ നിരത്തുന്നു. ഈ വിഭാഗത്തിൽപ്പെട്ട ചില നേതാക്കൾക്ക്​ സ്​ഥാനങ്ങളും നൽകുന്നു. എന്നാൽ യു.പിയിലെ യഥാർഥ വസ്​തുത ഇതാണ്​. പതിറ്റാണ്ടുകൾക്ക്​ മുമ്പ്​ ഡോ. ബി.ആർ. അംബേദ്​കറു​ം സ്​കൂൾ കാലഘട്ടത്തിൽ ഇത്തരം പ്രശ്​നങ്ങൾ നേരിട്ടിട്ടുണ്ടാകും' -

എസ്​.പി പിന്തുണയോടെ മെയിൻ പുരി ജില്ല പഞ്ചായത്തി​േലക്ക്​ തെരഞ്ഞെടുക്ക​പ്പെട്ട ശുഭം സിങ്ങ്​ സംഭവ സ്​ഥലം സന്ദർശിച്ച ശേഷം പറഞ്ഞു. സമാജ്​വാദി പാർട്ടി സ്​ഥാപകൻ മുലായം സിങ്​ യാദവിന്‍റെ കോട്ടയാണ്​ മെയിൻ പുരി.