കൊച്ചുമകന്​ കോവിഡ്​ പകരുമെന്ന ഭയം; വയോധിക ദമ്പതികൾ റെയിൽവേ ട്രാക്കിൽ ജീവനൊടുക്കിയ നിലയിൽ

ജയ്​പുർ: കൊച്ചുമകന്​ കോവിഡ്​ പകരുമെന്ന ഭയത്തിൽ രോഗബാധിതരായ വയോധിക ദമ്പതികൾ റെയിൽവേ ട്രാക്കിൽ ജീവനൊടുക്കിയ നിലയിൽ. രാജസ്​ഥാനിലെ പു​േരാഹിത്​ കി ടപ്​രി പ്രദേശത്താണ്​ സംഭവം.

75കാരനായ ഹീരാലാൽ ബൈർവയും 70കാരിയായ ശാന്തിഭായ്​യും കൊച്ചുമകനും മരുമകൾക്കുമൊപ്പമായിരുന്നു താമസം. എട്ടുവർഷം മുമ്പ്​ ഇരുവരുടെയും മകൻ മരിക്കുകയായിരുന്നു.

കോവിഡ്​ വ്യാപനം രൂക്ഷമായതോടെ ഏപ്രിൽ 29ന്​ ഇരുവർക്കും കോവിഡ്​ സ്​ഥിരീകരിച്ചു. തുടർന്ന്​ വീട്ടുനിരീക്ഷണത്തിലായിരുന്നു ഇരുവരും. കൊച്ചുമകനായ 18കാരനും മറ്റു ബന്ധുക്കൾക്കും ദമ്പതികളുടെ അടുത്തുനിന്ന്​ രോഗം പകരുമെന്ന ഭയമുണ്ടായിരുന്നു. ഇതോടെ ഇരുവരും ജീവനൊടുക്കാൻ തീരുമാനിക്കുകയായിരുന്നുവെന്ന്​ റെയിൽവേ കോളനി ​പൊലീസ്​ പറയുന്നു.

ഞായറാഴ്ച അതിരാവിലെ ദമ്പതികൾ വീടുവിട്ടിറങ്ങി റെയിൽവേ ട്രാക്കിന്​ മുകളിലെ ചമ്പൽ ​േമൽപ്പാലത്തിലെത്തി. ട്രാക്കിലൂടെ ട്രെയിൻ കടന്നുപോകുന്നതിനിടെ ഇരുവരും പാളത്തിലേക്ക്​ ചാടുകയായിരുന്നുവെന്ന്​ പൊലീസുകാരനായ രമേശ്​ ചന്ദ്​ ശർമ പറഞ്ഞു.

സംഭവത്തിൽ പൊലീസ്​ അസ്വഭാവിക മരണത്തിന്​ കേസെടുത്തു. ഇരുവരുടെയും ആത്മഹത്യക്കുറിപ്പ്​ കണ്ടെത്തിയിട്ടില്ല. ദമ്പതികളുടെ മൃതദേഹം കോവിഡ്​ മാനദണ്ഡങ്ങൾ പ്രകാരം സംസ്​കരിക്കുമെന്ന്​ പൊലീസ്​ അറിയിച്ചു.

രാജസ്​ഥാനിൽ കഴിഞ്ഞദിവസം 18,000ത്തിൽ അധികം പേർക്കാണ്​ കോവിഡ്​ സ്​ഥിരീകരിച്ചത്​. 159 മരണവും റിപ്പോർട്ട്​ ചെയ്​തിട്ടുണ്ട്​. കോവിഡ്​ വ്യാപനത്തിന്‍റെ പശ്ചാത്തലത്തിൽ സംസ്​ഥാനത്ത്​ നിരവധി നിയന്ത്രണങ്ങൾ ഏർപ്പെടുത്തിയിരുന്നു.