Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമംഗളൂരുവിൽ നിപ സംശയം;...

മംഗളൂരുവിൽ നിപ സംശയം; സമ്പർക്ക പട്ടികയിൽ മലയാളിയും; അതിർത്തിയിൽ നിയന്ത്രണം കടുപ്പിച്ചു

text_fields
bookmark_border
nipah virus
cancel

കാസർകോട്​: മംഗളൂരു കാർവാർ സ്വദേശിയായ 25കാരന്​ നിപയെന്ന്​ സംശയം. ഗോവയിലെ ഫാക്​ടറിയിൽ ജോലി ചെയ്യുന്ന യുവാവിനെ മംഗളൂരുവിലെ ഗവ. വെൻലോക്ക്​ ആശുപത്രിയിൽ പ്രവേശിപ്പിച്ചു. ഇയാളുടെ രക്​തം, സ്രവം തുടങ്ങിയവയുടെ സാമ്പിളുകൾ പുനെയിലെ നാഷനൽ വൈറോളജി ഇൻസ്​റ്റിറ്റ്യൂട്ടിലേക്ക്​ പരിശോധനക്കയച്ചു.

കോവിഡ്​, നിപ പരിശോധന കിറ്റുകൾ നിർമിക്കുന്ന ഗോവ ആസ്​ഥാനമായുള്ള കമ്പനിയിലെ ജീവനക്കാരനാണ്​ യുവാവ്​. സെപ്​റ്റംബർ എട്ടിന്​ ബൈക്കിൽ മഴനനഞ്ഞാണ്​ യുവാവ്​ കാർവാറിലെ വീട്ടിലെത്തിയത്​. പനിയും തലവേദനയും അനുഭവപ്പെട്ടതിനെ തുടർന്ന്​ സ്വകാര്യ ആശുപത്രിയിൽ ചികിത്സ തേടിയശേഷം മംഗളൂരു വെൻലോക്ക്​ ആശുപത്രിയിൽ പ്രവേശിപ്പിക്കുകയായിരുന്നു. യുവാവും പിതാവും ആശുപത്രിയിൽ പ്രത്യേക നിരീക്ഷണത്തിലാണ്.

യുവാവി​െൻറ സമ്പർക്കപ്പട്ടികയിൽ മലയാളികളുമുണ്ട്​. നിപ സ്​ഥിരീകരിക്കാത്ത സാഹചര്യത്തിൽ ഇവർ ഏത്​ ജില്ലയിലുള്ളവരാണെന്ന്​ വെളിപ്പെടുത്തിയിട്ടില്ല.

നിപ സംശയം ഉയർന്ന സാഹചര്യത്തിൽ കേരളത്തിൽനിന്നുള്ളവർക്ക്​ കർണാടകയിൽ പ്രവേശിക്കുന്നതിനുള്ള നിയന്ത്രണങ്ങൾ കൂടുതൽ കടുപ്പിച്ചു. കേരളത്തിൽനിന്നുള്ളവരെ ശരീരോഷ്​മാവ്​ ഉൾപ്പടെയുള്ള പരിശോധനക്കു വിധേയമാക്കിയശേഷം കടത്തിവിട്ടാൽ മതിയെന്നാണ്​ കർണാടക സർക്കാറി​െൻറ നിർദേശം.

യുവാവിന്​ പനിയോ മറ്റ്​ ലക്ഷണങ്ങളോ ഒന്നുമില്ലെന്നും സംശയമുയർന്ന സാഹചര്യത്തിൽ സ്​ഥിരീകരണത്തിനായി സ്രവം പരിശോധനക്ക്​ അയക്കുകയാണ്​ ചെയ്​തതെന്നും​​ ദക്ഷിണ കന്നഡ ജില്ല ഡെപ്യൂട്ടി കമീഷണർ കെ.വി. രാജേന്ദ്ര അറിയിച്ചു.

Show Full Article
TAGS:Mangalore nipah nipah 
News Summary - In Mangalore, a man was admitted to hospital with nipah symptoms
Next Story