Top
Begin typing your search above and press return to search.
exit_to_app
exit_to_app
Crematorium
cancel
Homechevron_rightNewschevron_rightIndiachevron_rightരാജ്യത്ത് സ്​ഥിതി അതീവ ...

രാജ്യത്ത് സ്​ഥിതി അതീവ ഗുരുതരം;​ മൂന്നുലക്ഷത്തിനടുത്ത്​ കോവിഡ്​ ബാധിതർ, 2,023 മരണം

text_fields
bookmark_border

ന്യൂഡൽഹി: രാജ്യത്ത്​ കോവിഡിന്‍റെ രണ്ടാം തരംഗം അതിരൂക്ഷമാകുന്നതോടെ മൂന്നുലക്ഷത്തിനടുത്ത്​ പുതിയ കോവിഡ്​ ബാധിതർ. 24 മണിക്കൂറിനിടെ 2,95,041 പേർക്ക്​ പുതുതായി രോഗം സ്​ഥിരീകരിച്ചു. കോവിഡ്​ മൂലം 2023 പേർക്ക്​ ജീവൻ നഷ്​ടപ്പെട്ടതായും ആരോഗ്യമന്ത്രാലയം അറിയിച്ചു.

തുടർച്ചയായ ഏഴാംദിവസമാണ്​ കോവിഡ്​ ബാധിതരുടെ എണ്ണം രണ്ടുലക്ഷം കടക്കുന്നത്​. ഇതോടെ ചികിത്സയിലുള്ളവരുടെ എണ്ണം 21,57,538 ആയി.

1,67,457പേരാണ്​ കഴിഞ്ഞദിവസം രോഗമുക്തി നേടിയത്​. ഇതോടെ രോഗമുക്തി നേടിയവരുടെ എണ്ണം 1,32,76,039 ആയതായും ആരോഗ്യമന്ത്രാലയം അറിയിച്ചു.

1,82,553 പേരാണ്​ രാജ്യത്ത്​ ഇതുവരെ കോവിഡ്​ ബാധിച്ച്​ മരിച്ചത്​. ലോകത്ത്​ കോവിഡ്​ ബാധിതരുടെ എണ്ണത്തിൽ രണ്ടാംസ്​ഥാനത്താണ്​ ഇന്ത്യ. ഏറ്റവും കൂടുതൽ രോഗികൾ യു.എസിലാണ്​. 3,25,36,470 പേർക്കാണ്​ ഇതുവരെ യു.എസിൽ കോവിഡ് ബാധിച്ചത്​. ഇന്ത്യയിൽ 1,56,16,130 പേർക്കും.

13,01,19,310 പേരാണ്​ രാജ്യത്ത്​ ഇതുവരെ വാക്​സിൻ സ്വീകരിച്ചത്​. കോവിഡ്​ രണ്ടാം തരംഗം കൊടുങ്കാറ്റ്​ പോലെയെന്ന്​ പ്രധാനമന്ത്രി നരേന്ദ്രമോദി കഴിഞ്ഞദിവസം അറിയിച്ചിരുന്നു. കോവിഡ്​ വ്യാപനം രൂക്ഷമായ പശ്ചാത്തലത്തിൽ രാജ്യത്തെ അഭിസ​ംബോധന ചെയ്യുകയായിരുന്നു അദ്ദേഹം. രാജ്യം അഭിമുഖീകരിക്കുന്ന വെല്ലുവിളി വലുതാണ്​.പക്ഷെ നമ്മൾ മറികടക്കും. കോവിഡിനെതിരെ രാജ്യം വലിയ പോരാട്ടത്തിലാണ്​.

നിലവിൽ രാജ്യത്ത്​ ഓക്​സിജൻ ക്ഷാമം ഉണ്ട്​. അതെ സമയം ഒാക്​സിജന്‍റെ ആവശ്യകത വർദ്ധിച്ചു. അത്​ പരിഹരിക്കാനുള്ള നടപടികൾ ആരംഭിച്ചിട്ടുണ്ട്​. ഓക്​സിജന്‍റെയും മരുന്നിൻെയും വിതരണം വർദ്ധിപ്പിക്കാൻ സർക്കാറും സ്വകാര്യമേഖലയിലുള്ളവരും സംസ്ഥാനങ്ങളും ഒരുമിച്ചുള്ള പ്രവർത്തനത്തിലാണെന്നും മോദി പറഞ്ഞു.

Show Full Article
TAGS:Covid india Covid death Covid Vaccine 
News Summary - In India Nearly 3 Lakh Covid Cases, 2,023 Deaths
Next Story