മോദിയുടെ പ്രവർത്തനങ്ങൾ ഇന്ത്യയുടെ ശക്​തിയെ ദുർബലമാക്കി -രാഹുൽ

ന്യൂഡൽഹി: പ്രധാനമന്ത്രി നരേന്ദ്രമോദിയെ വീണ്ടും രൂക്ഷമായി വിമർശിച്ച്​ രാഹുൽ ഗാന്ധി. സാമ്പത്തിക മാന്ദ്യം സംബന്ധിച്ച വാർത്തകളിലാണ്​ രാഹുലി​െൻറ വിമർശനം. മോദിയുടെ തീരുമാനങ്ങളാണ്​ രാജ്യത്തെ സാമ്പത്തിക മാന്ദ്യത്തിലേക്ക്​ നയിച്ചതെന്ന്​ രാഹുൽ വിമർശിച്ചു.

ഇന്ത്യ ചരിത്രത്തിലാദ്യമായി മാന്ദ്യത്തിലേക്ക്​ കടന്നു​. മോദിയുടെ പ്രവർത്തനങ്ങൾ ഇന്ത്യയുടെ ശക്​തിയെ ദുർബലമാക്കുകയാണെന്നും രാഹുൽ ഗാന്ധി ട്വീറ്റ്​ ചെയ്​തു. സാമ്പത്തിക മാന്ദ്യം സംബന്ധിച്ച വാർത്തയും രാഹുൽ ട്വീറ്റിനൊപ്പം ചേർത്തിട്ടുണ്ട്​.

ഇന്ത്യ ചരിത്രത്തിലാദ്യമായി സാമ്പത്തികമാന്ദ്യത്തെ അഭിമുഖീകരിക്കുകയാണെന്ന റിപ്പോർട്ട്​ ആർ.ബി.ഐ പുറത്ത്​ വിട്ടിരുന്നു. സാമ്പത്തിക വർഷത്തി​െൻറ രണ്ടാംപാദത്തിലും ജി.ഡി.പി ഇടിവുണ്ടാവുമെന്ന പ്രവചനങ്ങൾ വന്നതോടെയാണ്​ ഇന്ത്യൻ സമ്പദ്​വ്യവസ്ഥ മാന്ദ്യത്തി​െൻറ പടിവാതിൽക്കലാണെന്ന റിപ്പോർട്ടുകൾക്ക്​ കാരണം.