പാകിസ്താനികളെല്ലാം ശരീഫിനെപ്പോലെ ഭീരുക്കളല്ല –ഇമ്രാൻ ഖാൻ

ഇസ് ലാമാബാദ്​: എല്ലാ പാകിസ്​താനികളും നവാസ്​ ശരീഫിനെപ്പോലെ ഭീരുക്കളല്ലെന്ന്​ പാകിസ്താൻ  പ്രതിപക്ഷ പാർട്ടിയുടെ നേതാവും മുൻ ​ക്രിക്കറ്ററുമായ ഇമ്രാൻ ഖാൻ. കഴിഞ്ഞ ദിവസം റായ്​വിൻറിൽ തെഹ്​രീകെ ഇൻസാഫ്​ പാർട്ടി സംഘടിപ്പിച്ച റാലിയിലാണ്  പാക്​ പ്രധാനമന്ത്രി നവാസ്​ ശരീഫിനെ വിമർശിച്ചും ഇന്ത്യൻ പ്രധാനമന്ത്രി നരേന്ദ്രമോദിക്ക്​ മറുപടി നൽകിയുമുള്ള ഇമ്രാ​​െൻറ ​പ്രസ്​താവന.

സമാധാനമാണ്​ തങ്ങൾ ആഗ്രഹിക്കുന്നത്​. മോദി ആഗ്രഹിക്കുകയാണെങ്കിൽ നിങ്ങളുമായി സൗഹൃദത്തിന്​ തങ്ങൾ തയ്യാറാണ്​. പ്രശ്ന ​പരിഹാരങ്ങൾക്ക്​ യുദ്ധമല്ല വഴി. മോദിയെ കണ്ടപ്പോൾ ഇരുരാജ്യങ്ങൾക്കുമിടയിലെ സമാധാന പ്രക്രിയകൾക്ക്​ തുരങ്കം വെക്കുന്നത്​ ചെറിയ വിഭാഗം ആളുകൾ മാത്രമാണെന്ന്​ താൻ പറഞ്ഞിരുന്നു. ഉറി ആക്രമണമുണ്ടായപ്പോൾ യാതൊരു അന്വേഷണവും നടത്താതെ പാകിസ്താനെ കുറ്റപ്പെടുത്തുകയും ഭീഷണിപ്പെടുത്തുകയുമാണ്​ മോദി ചെയ്തത്​.

ജല വിതരണ കരാറി​​െൻറയും  മിന്നലാക്രമണത്തി​​െൻറയും വിഷയത്തിൽ സംഭാഷണത്തിന്​ തയ്യാറല്ലെങ്കിൽ പാകിസ്താൻ ഒത്തൊരുമയോടെ സൈന്യത്തിന്​ കീഴിൽ അണിനിരക്കും. സമാധാനത്തിന്​ പകരം  യുദ്ധം തെരഞ്ഞെടുത്താൽ ഇന്ത്യക്കാകും കൂടുതൽ നഷ്​ടമുണ്ടാവുകയെന്നും മോദിയുടെ തിളങ്ങുന്ന ഇന്ത്യയെന്ന സ്വപ്​നം പൂർത്തീകരിക്കപ്പെടുകയില്ലെന്നും ഇമ്രാൻ ഖാൻ പറഞ്ഞു.

കശ്​മീരിൽ നടക്കുന്ന സ്വാതന്ത്ര്യ സമരപ്പോരാട്ടത്തിന്​ ധാർമികമായും രാഷ്​ട്രീയപരമായുമുള്ള തങ്ങളുടെ പിന്തുണ തുടരും. നവാസ്​ ശരീഫ്​ പണത്തെ സ്​നേഹിക്കുന്നയാളാണ്​. അദ്ദേഹത്തി​​െൻറ സമയം അവസാനിച്ചെന്നും ശരീഫ്​ പാക്​ പ്രാധാനമന്ത്രിയായിരിക്കുന്നത്​ നമ്മുടെ ദൗർഭാഗ്യമാണെന്നും ഇമ്രാൻ പറഞ്ഞു.