Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightകങ്കണയുടെ സമീപകാല...

കങ്കണയുടെ സമീപകാല പ്രസ്​താവനകളെ പിന്തുണക്കില്ല; ​ഓഫീസ്​ പൊളിച്ച നടപടി അപലപനീയം -പ്രൊഡ്യൂസേഴ്‌സ് അസോസിയേഷൻ

text_fields
bookmark_border
കങ്കണയുടെ സമീപകാല പ്രസ്​താവനകളെ പിന്തുണക്കില്ല; ​ഓഫീസ്​ പൊളിച്ച നടപടി അപലപനീയം -പ്രൊഡ്യൂസേഴ്‌സ് അസോസിയേഷൻ
cancel

മുംബൈ: നടി കങ്കണ റണാവത്തി​െൻറ ഓഫീസ്​ കെട്ടിടം പൊളിച്ച ബ്രിഹാൻ മുംബൈ കോർപറേഷ​െൻറ നടപടികളെ അപലപിച്ച്​ ഇന്ത്യൻ മോഷൻ പിക്ചേഴ്സ് പ്രൊഡ്യൂസേഴ്‌സ് അസോസിയേഷൻ.

ബാന്ദ്രയിൽ കങ്കണയുടെ ഉടമസ്ഥതയിലുള്ള മണികർണിക ഫിലിംസി​െൻറ ഓഫീസ് ഭാഗികമായി പൊളിച്ചുമാറ്റിയത്​ അപലപിച്ച് സംഘടന പ്രസ്താവന ഇറക്കി. എന്നാൽ കങ്കണയുടെ സമീപകാല പ്രസ്​താവനകളെ പിന്തുണക്കില്ലെന്ന്​ ഇം.പി.പി.എ പ്രസിഡൻറ്​ ടി.പി അഗർവാൾ അറിയിച്ചു. കങ്കണക്ക്​ പിന്തുണയുമായി നിരവധി അഭിനേതാക്കളും സെലിബ്രിറ്റികളും രംഗത്തെത്തിയ ശേഷമാണ് ഇം.പി.പി.എ പ്രസ്​താവന ഇറക്കിയത്​. ​

കെട്ടിടം പൊളിച്ചതും തുടർ നടപടികളും മഹാരാഷ്​ട്ര സർക്കാറിനോ കങ്കണ റണാവത്തിനോ നല്ലതല്ല. മഹാരാഷ്ട്ര സർക്കാറും ബി.എം.സിയും സ്വീകരിച്ച നടപടി അപലപനീയമാണ്​. പൊളിക്കുന്നത് കോടതി സ്റ്റേ ചെയ്തിട്ടുണ്ടെങ്കിലും ബി.എം.സി ഉദ്ദേശിച്ച കാര്യങ്ങൾ അതിനകം ചെയ്​തു കഴിഞ്ഞിരുന്നു. അധനികൃത നിർമാണം നടത്തിയെങ്കിൽ അത്​ ചൂണ്ടിക്കാട്ടിയിരുന്നെങ്കിൽ കങ്കണ ശരിയായ നടപടി സ്വീകരിക്കുമായിരുന്നു. ഹ്രസ്വകാല നോട്ടീസിലൂടെ അവരുടെ സ്വത്ത് നശിപ്പിക്കുകയാണ്​ ഉണ്ടായതെന്നും അതിൽ പ്രതിഷേധം അറിയിക്കുന്നുവെന്നും പത്രകുറിപ്പിൽ ഇം.പി.പി.എ അറിയിച്ചു.

അതേസമയം, കങ്കണയുടെ സമീപകാല പ്രസ്താവനകളെ പിന്തുണക്കില്ലെന്നും ടി.പി അഗർവാൾ വ്യക്തമാക്കി. ബോളിവുഡിലെ നെപോട്ടിസം, മയക്കുമരുന്ന്​ ഉപയോഗം എന്നീ വിഷയങ്ങളിലുള്ള ചില പ്രതികരണങ്ങൾ കങ്കണ ഒരിക്കലും പറയാൻ പാടില്ലായിരുന്നു. സ്വജനപക്ഷപാതം എല്ലാ മേഖലകളിലും ഉണ്ട്​. ചലച്ചിത്രമേഖലയിൽ സ്വജനപക്ഷപാതം കൂടുതലായി നിലനിന്നിരുന്നുവെങ്കിൽ കങ്കണ ഇത്രയും വലിയ താരമാകുമായിരുന്നില്ല.

ബോളിവുഡ്​ മേഖല മുഴുവൻ മയക്കുമരുന്നിന്​ അടിമ​െപ്പട്ടിരിക്കുകയാണെന്ന്​ കങ്കണ പ്രസ്​താവന നടത്തിയിരുന്നു. മുംബൈയിലെ മയക്കുമരുന്ന് മാഫിയകൾ മുഴുവൻ വ്യവസായത്തിൽ പങ്കാളികളാണെങ്കിൽ ഈ വ്യവസായം ഇതുപോലെ ആകില്ല. എല്ലാ മേഖലകളിലും 5-7 ശതമാനം ആളുകൾ ലഹരി ഉപയോഗിക്കുന്നവരായിരിക്കാം. സിനിമാ വ്യവസായം മയക്കുമരുന്നിന് അടിമപ്പെട്ടു എന്ന്​ പറയുന്നതിലൂടെ കങ്കണ വ്യവസായത്തിലേക്ക് വരുന്ന ഫണ്ടുകൾ നിർത്തുകയാണ്- പ്രസ്​താവനയിലൂടെ ടി.പി അഗർവാൾ വിയോജിപ്പ്​ രേഖപ്പെടുത്തി.

നിയമവിരുദ്ധമായ മാറ്റങ്ങൾ വരുത്തിയെന്നാരോപിച്ച്​ കങ്കണയ​ുടെ ഓഫീസ്​ ബുധനാഴ്​ചയാണ്​ ബി.എം.സി അധികൃതർ പൊളിച്ചു തുടങ്ങിയത്​. ഭാഗിക പൊളിക്കലിനുശേഷം കങ്കണയുടെ അഭിഭാഷകൻ റിസ്വാൻ സിദ്ദിഖി ഹൈകോടതിയെ സമീപിച്ചു. ബോംബെ ഹൈക്കോടതി പൊളിച്ചുനീക്കൽ നടപടി സ്റ്റേ ചെയ്യുകയും ബി‌.എം‌.സിയോട് ഈ വിഷയത്തിൽ കങ്കണക്ക്​ മറുപടി നൽകാൻ ആവശ്യപ്പെടുകയും ചെയ്തിരുന്നു.

Show Full Article
TAGS:Kangana Ranaut IMPPA BMC demolition 
Next Story