കാണാതാകുന്ന കേന്ദ്രജീവനക്കാരുടെ കുടുംബത്തിന് ഉടൻ പെൻഷൻ

ന്യൂ​ഡ​ൽ​ഹി: കാ​ണാ​താ​വു​ന്ന കേ​ന്ദ്ര​സ​ർ​ക്കാ​ർ ഉ​ദ്യോ​ഗ​സ്ഥ​രു​ടെ കു​ടും​ബ പെ​ൻ​ഷ​ൻ നി​ബ​ന്ധ​ന​ക​ളി​ൽ ​സ​ർ​ക്കാ​ർ ഇ​ള​വ് വ​രു​ത്തി. ജ​മ്മു-​ക​ശ്മീ​രി​ലെ​യും വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളി​ലേ​യും ക​ലാ​പ ബാ​ധി​ത പ്ര​ദേ​ശ​ങ്ങ​ളി​ലും ന​ക്സ​ൽ ബാ​ധി​ത പ്ര​ദേ​​ശ​​​ങ്ങ​ളി​ലും ജോ​ലി​ചെ​യ്യു​ന്ന ജീ​വ​ന​ക്കാ​രു​ടെ ഉ​റ്റ​വ​ർ​ക്ക് ആ​ശ്വാ​സ​മേ​കു​ന്ന​താ​ണ് പു​തി​യ തീ​രു​മാ​നം.

ദേ​ശീ​യ പെ​ൻ​ഷ​ൻ പ​ദ്ധ​തി​യി​ൽ (എ​ൻ.​പി.​എ​സ്) അം​ഗ​മാ​യി​ട്ടു​ള്ള ജീ​വ​ന​ക്കാ​രെ ​സ​ർ​വി​സ് കാ​ല​യ​ള​വി​ൽ കാ​ണാ​താ​യാ​ൽ പെ​ൻ​ഷ​ൻ ആ​നു​കൂ​ല്യ​ങ്ങ​ൾ ഉ​ട​നെ ത​ന്നെ പ്ര​സ്തു​ത വ്യ​ക്തി​യു​ടെ കു​ടും​ബാം​ഗ​ങ്ങ​ൾ​ക്ക് ​കൈ​മാ​റു​മെ​ന്ന് കേ​ന്ദ്ര​മ​ന്ത്രി ജി​തേ​ന്ദ്ര സി​ങ് അ​റി​യി​ച്ചു. മു​ൻ​കാ​ല​ങ്ങ​ളി​ൽ, കാ​ണാ​താ​യ വ്യ​ക്തി മ​രി​ച്ച​താ​യി തെ​ളി​യു​ക​യോ അ​ല്ലെ​ങ്കി​ൽ കാ​ണാ​താ​യി ഏ​ഴു വ​ർ​ഷം പൂ​ർ​ത്തി​യാ​കു​ക​യോ ചെ​യ്താ​ൽ മാ​ത്ര​മേ ആ​നു​കൂ​ല്യ​ങ്ങ​ൾ ന​ൽ​കി​യി​രു​ന്നു​ള്ളൂ.