Begin typing your search above and press return to search.
exit_to_app
exit_to_app
Ramdev
cancel
Homechevron_rightNewschevron_rightIndiachevron_rightഐ.എം.എയും രാംദേവും...

ഐ.എം.എയും രാംദേവും തമ്മിൽ വീണ്ടും വാക്​യുദ്ധം; ഇത്തവണ 'കൊറോണിലി'നെ ചൊല്ലി

text_fields
bookmark_border

ന്യൂഡൽഹി: ഇന്ത്യൻ മെഡിക്കൽ അസോസിയേഷനും (ഐ.എം.എ) പതജ്ഞലി തലവൻ രാംദേവും തമ്മിൽ വാക്​ യുദ്ധം തുടരുന്നു. പതജ്ഞലിയുടെ 'കൊറോണിൽ' ടാബ്​ലറ്റിനെ ചൊല്ലിയാണ്​ പുതിയ വിവാദം.

ഉത്തരാഖണ്ഡ്​ സർക്കാറിൻറെ കോവിഡ്​ 19 കിറ്റിൽ കൊറോണിൽ ഉൾപ്പെടുത്താനുള്ള പതജഞലിയുടെ നിർദേശത്തെ എതിർത്ത്​ ഐ.എം.എ രംഗത്തെത്തുകയായിരുന്നു. കൊറോണിലിന്​ ലോകാരോഗ്യ സംഘടന അംഗീകാരം നൽകിയി​ട്ടില്ലെന്നും അതിലുപരി കേന്ദ്രസർക്കാറിന്‍റെ മാർഗനിർദേശങ്ങളിൽ ഉൾപ്പെടുത്തിയിട്ടില്ലെന്നും ​െഎ.എം.എ പറഞ്ഞു. ബാബ രാംദേവ്​ അവകാശപ്പെടുന്നതുപോലെ മരുന്നോ ഗുളികയോ അല്ല ഇതെന്നും ഐ.എം.എ കൂട്ടിച്ചേർത്തു.

'അലോപ്പതി മരുന്നുകളുമായി കൊറോണിൽ ചേർക്കുന്നത്​ 'മിക്​സോപതി' ആയിരിക്കും. ഇത്​ സുപ്രീംകോടതിയുടെ ഉത്തരവുകളിൽ അനുവദിച്ചിട്ടില്ല. അതിനാൽ തന്നെ കോടതിയലക്ഷ്യമാകും' -ഐ.എം.എ കൂട്ടിച്ചേർത്തു.

ടാബ്​ലറ്റ്​, സ്വാസരി വതി, അനു തൈല എന്നിവ അടങ്ങിയതാണ്​ പതിജ്ഞലിയുടെ കൊറോണിൽ കിറ്റ്​. കോവിഡിനെതിരെ ആയുർവേദ പരിഹാരം എന്ന വാക്യത്തോടെയാണ്​ രാംദേവ്​ കൊറോണിൽ പുറത്തിറക്കിയത്​. എന്നാൽ, കൊ​റോണയെ തുരത്തുമെന്ന പതജ്ഞലിയുടെ വാദം അംഗീകരിക്കണമെങ്കിൽ ശാസ്​ത്രീയമായി തെളിയിക്കണമെന്നും അതുവരെ പരസ്യവാചകം ഉപയോഗിക്കരുതെന്നും ആയുഷ്​ മന്ത്രാലയം നിർദേശിച്ചിരുന്നു.

കൊറോണിലിനെ പ്രോത്സാഹിപ്പിക്കുന്നതിനെതിരെ ഐ.എം.എ നേ​രത്തേയും രംഗത്തെത്തിയിരുന്നു. അലോപതി ചികിത്സയെയും ഡോക്​ടർമാരെയും അവഹേളിക്കുന്ന പരാമർശം നടത്തിയതിനെതിരെ ഐം.എം.എ രാംവ​ദേവിനെതിരെ 1000​േകാടിയുടെ നഷ്​ടപരിഹാര നോട്ടീസും അയക്കുകയായിരുന്നു.

Show Full Article
TAGS:Covid 19 IMA Baba Ramdev Patanjali Coronil Covid 19 Kit 
News Summary - IMA against Patanjalis proposal to include Coronil in Uttarakhand govts COVID kit
Next Story