Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right‘ഞാൻ മുസ്​ലിം...

‘ഞാൻ മുസ്​ലിം പോലുമല്ല, നേരിനൊപ്പം നിന്നില്ലെങ്കിൽ ഈ വിദ്യാഭ്യാസം ​െകാണ്ട്​ എന്ത്​ പ്രയോജനം’

text_fields
bookmark_border
‘ഞാൻ മുസ്​ലിം പോലുമല്ല, നേരിനൊപ്പം നിന്നില്ലെങ്കിൽ ഈ വിദ്യാഭ്യാസം ​െകാണ്ട്​ എന്ത്​ പ്രയോജനം’
cancel

ന്യൂഡൽഹി: പൗരത്വ ഭേദഗതി നിയമത്തിനെതിരെ ഡൽഹിയിൽ വിദ്യാർഥി പ്രതിഷേധം കൊടുമ്പിരി കൊള്ളുകയാണ്​. ഇതിനിടെ രാജ്യത്ത്​ ഉരുത്തിരിഞ്ഞ അരക്ഷിതാവസ്ഥക്കെതിരെ ഒരു വിദ്യാർഥിനി ​െടലിവിഷൻ കാമറക്ക്​ മുമ്പിൽ പൊട്ടിത്തെറിച്ചു.

‘‘വിദ്യാർഥികൾക്ക്​ ഡൽഹി സുരക്ഷിതമായ ഇടമാണെന്നാണ്​ ഞങ്ങൾ കരുതിയത്​. ഇത്​ കേന്ദ്ര സർവകലാശാലയാണ്​. ഞാൻ കരുതിയത്​ സർവകലാശാല ഏറ്റവും സുരക്ഷിതമായ ഇടമാണെന്നും ഞങ്ങൾക്ക്​ ഒന്നും സംഭവിക്കില്ലെന്നുമാണ്​. എല്ലാ രാത്രികളിലും ഞങ്ങൾ കരയുകയായിരുന്നു. എന്താണ്​ സംഭവിക്കുന്നത്​.? ’’ വിദ്യാർഥിനി പറഞ്ഞു. താനും സു​ഹൃത്തു​ക്കളും ഹോസ്​റ്റൽ വിട​ുകയാണെന്നും അവർ വ്യക്തമാക്കി. ഈ രാജ്യത്ത്​ തനിക്ക്​ സുരക്ഷിതത്വം അനുഭവപ്പെടുന്നില്ല. എവിടുന്നൊക്കെ മർദ്ദനമേൽ​ക്കേണ്ടി വരുമെ​േന്നാ, എങ്ങോട്ട്​ പോകണമെന്നോ നാളെ തൻെറ സുഹൃത്തുക്കൾ ഇന്ത്യക്കാരായിരിക്കുമെന്നോ തനിക്ക്​ തനിക്കറിയില്ലെന്നും അവർ പറഞ്ഞു.

‘‘ ഞാൻ മുസ്​ലിം പോലുമല്ല. ആദ്യ ദിവസം മുതൽ ഞാൻ പ്രതിഷേധത്തിൻെറ മുൻനിരയിലുണ്ട്​. നേരിനൊപ്പം നിൽക്കാൻ സാധിച്ചില്ലെങ്കിൽ നമ്മുടെ വിദ്യാഭ്യാസം ​െകാണ്ട്​ എന്ത്​ പ്രയോജനമാണുള്ളത്​.? ’’ വിദ്യാർഥിനി മാധ്യമങ്ങളോട്​ ചോദിച്ചു.

വിവിധ സർവകലാശാലകളിൽ പ്രത്യക്ഷ സമരവുമായി നിരവധി വിദ്യാർഥികളാണ്​ തെരുവിലിറങ്ങിയത്​. ജാമിഅ മില്ലിയ സർവകലാശാല വിദ്യാർഥികൾക്കെതിരെ നടന്ന പൊലീസ്​ നരനായാട്ടിൽ നിരവധി വിദ്യാർഥികൾക്കാണ്​ പരിക്കേറ്റത്​. പൗരത്വ നിയമ ഭേദഗതിക്കെതിരെ വിദ്യാർഥികൾ നടത്തിയ പ്രതിഷേധ മാർച്ചിനെ പൊലീസ്​ നേരിട്ടതോടെയാണ്​ ജാമിഅ സർവകലാശാലയിൽ പ്രതിഷേധം ശക്തമായത്​. തുടർന്ന്​ പൊലീസ് അനുവാദം കൂടാതെ​ സർവകലാശാല കാമ്പസിനകത്ത്​ കടക്കുകയും നൂറോളം വിദ്യാർഥികളെ പിടികൂടുകയും ചെയ്യുകയായിരുന്നു. ഇവരെ പിന്നീട്​ പുലർച്ചെ മൂന്നരയോടെ വിട്ടയച്ചു.

സംഭവത്തെ കുറിച്ച്​ മറ്റൊരു വിദ്യാർഥിനി പറയുന്നതിങ്ങനെ; ‘‘ഞങ്ങൾ ലൈബ്രറിയിൽ നിൽക്കുമ്പോൾ സ്ഥിതിഗതികൾ മോശമാണെന്ന്​ പറഞ്ഞ്​ സൂപ്പർവൈസറുടെ കോൾ വന്നു. പുറത്തിറങ്ങാനാരുങ്ങുമ്പോഴാണ്​ ഒരു കൂട്ടം വിദ്യാർഥികൾ ലൈബ്രറിക്കകത്തേക്ക്​ ഓടി വന്നത്​. അര മണിക്കൂറിനുള്ളിൽ ലൈബ്രറി നിറഞ്ഞു. ’’ വിദ്യാർഥിനി പറഞ്ഞു.

പുറത്ത്​ എന്തോ പൊട്ടുന്ന ശബ്​ദമായിരുന്നു. ജനാലകൾ വിറക്കുന്നുണ്ടായിരുന്നു. ദേഹത്ത്​ രക്തക്കറയുമായി നിൽക്കുന്ന ആൺകുട്ടികളെ കണ്ടു. ഇതിനിടെ പൊലീസ്​ അകത്തേക്ക്​ കയറി വരുകയും അസഭ്യം പറയുകയും ചെയ്​തു. എല്ലാവരും പുറത്തേക്കിറങ്ങണമെന്ന്​ അവർ ആവശ്യപ്പെട്ടു. ഹോസ്​റ്റലിലേക്ക്​ പോകുന്ന വഴിയിൽ ആൺകുട്ടികൾ റോഡിൽ രക്തത്തിൽ കുളിച്ച്​ അബോധാവസ്ഥയിൽ കിടക്കുകയായിരുന്നുവെന്നും വിദ്യാർഥിനി പറഞ്ഞു.

കല്ലേറും അക്രമവും ഉയർന്നതോടെയാണ്​ പൊലീസ്​ കാമ്പസിനകത്തേക്ക്​ കടന്നതെന്നും എവിടെയാണ്​ അക്രമങ്ങൾ നടന്നതെന്ന്​ പരിശോധിക്കുകയായിരുന്നു തങ്ങളെന്നുമാണ്​ മുതിർന്ന പൊലീസ്​ ഓഫീസർ മാധ്യമങ്ങളോട്​ വിശദീകരിച്ചത്​.

Show Full Article
TAGS:cab Citizenship Amendment Act jamia millia india news malayalam news 
News Summary - I'm Not Even Muslim But Am At The Frontline -india news
Next Story