Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഎ.ബി.വി.പിക്കാരനെന്ന്​ ...

എ.ബി.വി.പിക്കാരനെന്ന്​ കള്ളം പറഞ്ഞ്​ രക്ഷപ്പെട്ടുവെന്ന്​ ജെ.എൻ.യു വിദ്യാർഥി

text_fields
bookmark_border
എ.ബി.വി.പിക്കാരനെന്ന്​ കള്ളം പറഞ്ഞ്​ രക്ഷപ്പെട്ടുവെന്ന്​ ജെ.എൻ.യു വിദ്യാർഥി
cancel

ന്യൂഡൽഹി: ജവഹർലാൽ നെഹ്​റു സർവകലാശാല ഹോസ്​റ്റലിലുണ്ടായ ഗുണ്ടാ ആക്രമണത്തിൽ നിന്ന്​ എ.ബി.വി.പി പ്രവർത്തകനെന്ന ്​ കള്ളം പറഞ്ഞ്​ രക്ഷപ്പെട്ട അനുഭവം വിവരിക്കുകയാണ്​ സർവകലാശാലയിലെ രാജേഷ്​ കുമാർ ആര്യ എന്ന വിദ്യാർഥി. സ്​കൂൾ ഓ ഫ്​ ഇൻറർനാഷണൽ സ്​റ്റഡീസ്​ വിദ്യാർഥിയായ രാജേഷ്​ ആര്യ കോൺഗ്രസി​​​​െൻറ ഫാക്​ട്​ ഫൈൻറിങ്​ കമ്മറ്റി മുമ്പാകെയാ ണ്​ അനുഭവം പങ്കുവെച്ചത്​.

മുഖംമൂടിയണിഞ്ഞ 20ഓളം വരുന്ന അക്രമികൾ വടിയും ഇരുമ്പ്​ ദണ്ഡും ഹാമറുമായി ​ൈവകുന്നേ രം 6.45ഓടു​ കൂടിയാണ്​ ഹോസ്​റ്റലിലെത്തിയത്​. ‘‘എ​​​​െൻറ മുറി ഹോസ്​റ്റലി​​​​െൻറ രണ്ടാം നിലയിലായിരുന്നു. താഴേക്ക്​ നോക്കിയപ്പോൾ അവർ ഒ​ാരോ മുറികളിലായി കയറി വിദ്യാർഥികളെ മർദ്ദിക്കുകയായിരുന്നു. അക്രമികളിൽ പലരും അവരുടെ മുഖം മറച്ചിരുന്നു’’ രാജേഷ്​ ആര്യ പറഞ്ഞു.

അക്രമികളിലൊരാൾ തന്നെ കണ്ടതിനെ തുടർന്ന്​ മുകളിലും ആളുകളുണ്ട്​ എന്ന്​ പറഞ്ഞ്​ മുകൾ നിലയിലേക്ക്​ കയറിവന്നു. താൻ മുറിക്കുള്ളിൽ കയറി വാതിലടച്ച്​ ലൈറ്റ്​ ഓഫ്​ ചെയ്​തു നിന്നു. അവർ വാതിലിൽ ഉറക്കെ ഇടിച്ചു. അതിനിടെ അവർ ​െവൻറിലേറ്റർ ഗ്ലാസ്​ തകർത്തു. താൻ പേടിച്ചപോയെന്നും അവർക്കു മുമ്പിൽ കീഴടങ്ങിയെന്നും രാജേഷ് കുമാർ​ ആര്യ പറഞ്ഞു.

‘‘ഞാൻ കൈകൾ കെട്ടി നിന്നു. അവർ എനിക്കു ചുറ്റും നടന്നു, എന്നെ ഒരു മൂലയിലേക്ക്​ തള്ളി. ചിലർ എ​​​​െൻറ കിടക്കയിൽ കയറി നിന്നു. അവർ എ​​​​െൻറ പേരും രാഷ്​ട്രീയ പശ്ചാത്തലവും ചോദിച്ചു. അവനെ തറയിൽ കിടത്തി ഇടിക്കൂ എന്ന്​ ചിലർ പറഞ്ഞു. ഞാനും എ.ബി.വി.പിക്കാരനാണന്ന്​ അവരോട്​ പറഞ്ഞു. അപ്പോൾ സംഘടനയിൽ ആരെയൊക്കെ അറിയ​ാമെന്ന്​ അവർ എന്നോട്​ ചോദിച്ചു. ഞാൻ ചില പേരുകൾ പറഞ്ഞു. പക്ഷെ അതുകൊണ്ടൊന്നും​ അവരെ വിശ്വസിപ്പിക്കാൻ സാധിച്ചില്ല.’’ കോൺഗ്രസ്​ വക്താവ്​ സുസ്​മിത ദേവ്​ ഉൾപ്പെടുന്ന കമ്മിറ്റിക്ക്​ മുമ്പാകെ രാജേഷ്​ കുമാർ പറഞ്ഞു.

അവർ തന്നോട്​ തെളിവ്​ ചോദിച്ചു. താൻ വായിച്ചുകൊണ്ടിരുന്ന ‘ഹിന്ദു നാഷണലിസം: എ റീഡർ’ എന്ന പുസ്​തകം അവർക്ക്​ കാണിച്ചുകൊടുത്തു. അവർ പുസ്​തകമെടുത്ത്​ അതി​​​​െൻറ പേര്​ വായിച്ച ശേഷം അവിടെ നിന്ന്​ പുറത്തേക്ക്​ പോവുകയായിരുന്നുവെന്നും രാജേഷ്​ കൂട്ടിച്ചേർത്തു.

Show Full Article
TAGS:jnu attack ABVP JNU mob attack india news malayalam news 
News Summary - I'm Also From ABVP: JNU Student's Claim On How He Escaped Mob Attack -india news
Next Story