Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമധ്യപ്രദേശിൽ​ അനധികൃത...

മധ്യപ്രദേശിൽ​ അനധികൃത മണൽ ഖനനം ഇപ്പോഴും നടക്കുന്നുവെന്ന്​ മന്ത്രി

text_fields
bookmark_border
pradeep-jaiswal
cancel

ഭോപ്പാൽ: കമൽനാഥ് സർക്കാരി​​െൻറ മികച്ച പ്രവർത്തനങ്ങൾക്കിടയിലും മധ്യപ്രദേശിൽ അനധികൃതമായി മണൽ ഖനനം നടക്കുന് നുണ്ടെന്ന് തുറന്നു സമ്മതിച്ച്​ സംസ്ഥാന ധാതുവിഭവമന്ത്രി പ്രദീപ് ജയ്‌സ്വാൾ. ‘‘സംസ്ഥാനത്ത് അനധികൃതമായി മണൽ ഖനന ം നടത്തുന്നത് നിയന്ത്രിക്കാൻ ഞങ്ങൾ പരമാവധി ശ്രമിച്ചു. ഇത്​ കഴിഞ്ഞ 15 വർഷമായി തുടർന്നു വരുന്നതാണ്​. കരാറുകാരും പഞ്ചായത്തുകളും നടത്തുന്ന നിയമപരമായ ഖനികളുമുണ്ട്​​.’’ ജയ്‌സ്വാൾ പറഞ്ഞു.

അനധികൃത മണൽ ഖനനം നിയന്ത്രിക്കുന്നതിന് സംസ്ഥാന സർക്കാർ പുതിയ നയം ഉടൻ കൊണ്ടുവരുമെന്ന് ജയ്‌സ്വാൾ വ്യകക്തമാക്കി. ധാരാളം മണൽ ഖനികളുണ്ട്. നിയമപരവും നിയമവിരുദ്ധവുമായ ഖനികൾ തമ്മിൽ വേർതിരിച്ചറിയാൻ ബുദ്ധിമുട്ടാണ്​. ഏതാനും ദിവസങ്ങൾക്കുള്ളിൽ പ്രശ്നം പരിഹരിക്കപ്പെടുമെന്ന്​ വിശ്വസിക്കുന്നതായും അദ്ദേഹം കൂട്ടിച്ചേർത്തു.

‘‘ഞാൻ ഒരു എം‌.എൽ.‌എയായി തിരഞ്ഞെടുക്കപ്പെട്ടാൽ ഇവിടെ മണൽ ഖനനം അനുവദിക്കില്ലെന്ന് പ്രതിജ്ഞ ചെയ്തിരുന്നു. ഞാൻ പരമാവധി ശ്രമിച്ചു, പക്ഷേ മറ്റ് കക്ഷികളാൽ മാത്രമല്ല എ​​െൻറ പാർട്ടിയാലും ഭരണകൂടത്താലും ഞാൻ വഞ്ചിക്കപ്പെട്ടു. ഒരു വർഷത്തോളമായി ഞാൻ ഇത് തടയാൻ ശ്രമിക്കുകയാണ്​. എ​​െൻറ വാഗ്ദാനം നിറവേറ്റാൻ കഴിയാത്തത് എന്നെ വല്ലാതെ വേദനിപ്പിക്കുന്നു.” അദ്ദേഹം പറഞ്ഞു. തിങ്കളാഴ്ച ഒരു പരിപാടിയിൽ സംസാരിക്കുകയായിരുന്നു പ്രദീപ് ജയ്‌സ്വാൾ.

നർമദ നദിയിലെ അനധികൃത മണൽ ഖനനത്തിൽ പ്രതിഷേധിച്ച്​ ഗദർവാര മണ്ഡലത്തിലെ കോൺഗ്രസ്​ എം.എൽ.എ സുനിത പ​ട്ടേൽ ഏതാനും ദിവസങ്ങൾക്ക്​ മുമ്പ്​​ രാജി ഭീഷണി മുഴക്കിയിരുന്നു. നിയമസഭാ സ്പീക്കർ എൻ.പി പ്രജാപതി ഉൾപ്പെടെ പങ്കെടുത്ത ചടങ്ങിലായിരുന്നു സുനിത പ​ട്ടേലി​​െൻറ രാജി ഭീഷണി.

Show Full Article
TAGS:illegal sand mining madhya pradesh mineral resources minister india news malayalam news 
News Summary - illegal sand mining still ongoing in madhya pradesh says mineral resources minister -india news
Next Story