മാംസ ഭക്ഷണം കഴിക്കുന്നവർക്ക്​ പ്രത്യേക ​പാത്രം; ബോംബേ ​െഎ.​െഎ.ടിയിൽ പ്രതിഷേധം

മുംബൈ:  മാംസ ഭക്ഷണം കഴിക്കുന്നവർ​ പ്രത്യേക ​പാത്രം ഉപയോഗിക്കണമെന്ന ബോംബേ ​െഎ.​െഎ.ടിയുടെ നിർദേശത്തിനെതിരെ വിദ്യാർഥികളുടെ പ്രതിഷേധം. ഒരു ഇമെയിൽ അറിയിപ്പിലൂടെയാണ്​ ഹോസ്​റ്റൽ അധികൃതർ സസ്യേതര ഭക്ഷണം കഴിക്കുന്നവരോട്​ പ്രധാന പാത്രം ഉപയോഗിക്കാതെ  ട്രേ കൊണ്ട്​ നിർമിച്ച പ്രത്യേക പാത്രം ഉപയോഗിക്കാൻ ആവശ്യപ്പെട്ടത്​. 

‘എന്നാൽ എല്ലാ മെസ്സിലും സസ്യാഹാരത്തിനും മാസാഹാരത്തിനും പ്രത്യേക പാത്രങ്ങളും പ്രത്യേക കൗണ്ടറുകളുമാണ്​​. എന്തടിസ്​ഥാനത്തിലാണ്​ ഇപ്പോൾ ഇമെയിൽ സന്ദേശമയച്ച്​ അത്​ ഒാർമപ്പെടുത്തിയതെന്ന്​ അറിയില്ലെന്നും’ ഒരു ഹോസ്​റ്റൽ നിവാസി പറഞ്ഞു. 

പതിയെ സസ്യാഹാരം നിർബന്ധമാക്കാനുള്ള വലതുപക്ഷ വിഭാഗത്തി​​​​െൻറ അജണ്ടയുടെ ഭാഗമായാണ്​ ഇത്തരമൊരു നീക്കമെന്ന്​ സാമൂഹിക മാധ്യമങ്ങളിൽ വിദ്യാർഥികൾ പ്രതികരിച്ചു. വർഷങ്ങളായി പ്രത്യേക പാത്രങ്ങളിൽ ഭക്ഷണം കഴിക്കുന്ന നമ്മൾ അതിനെതിരെ ഇത്​ വരെ ശബ്​ദമുയർത്തിയിട്ടില്ലെന്നും വിദ്യാർഥികൾ പറയുന്നു.

ഹോസ്​റ്റലിലെ മെസ്​ കൗൺസിലാണ്​ വിദ്യാർഥികളോട്​ നിർദ്ദേശം വെച്ചത്​. ശക്​തമായ പ്രതിഷേധം രൂപപ്പെട്ടതോടെ വിശദീകരണവുമായി കൗൺസിൽ രംഗത്ത്​ വന്നു. നിലവിലുണ്ടായിരുന്ന നിയമം ഒാർമിപ്പിക്കാനാണ്​ ഇമെയിൽ സന്ദേശം നൽകിയതെന്നായിരുന്നു പ്രതികരണം.  തുടക്കം മുതലേ മാംസ ഭക്ഷണം പ്രത്യേക പാത്രങ്ങളിലാണ്​ വിളമ്പാറുള്ളത്​. ആ നിയമം തുടരാനാണ്​ നിർദേശിച്ചത്​. ആരുടെയും വികാരം വ്രണപ്പെടുത്താനായിരുന്നില്ലെന്നും കൗൺസിൽ കൂട്ടിച്ചേർത്തു.