സി.ബി.​െഎ ഡയറക്​ടർ നിയമനം ഉടൻ

ന്യൂഡൽഹി: പുതിയ സി.ബി.​െഎ ഡയറക്​ടറെ ഉടൻ നിയമിക്കുമെന്ന് റിപ്പോർട്ട്​. കോൺഗ്രസ്​ പ്രതിനിധി മല്ലികാർജുൻ ഖാർകെയുടെ എതിർപ്പ്​ അവഗണിച്ചാണ്​ പ്രധാനമന്ത്രി നരേന്ദ്രമോദി അധ്യക്ഷനായ സമിതി പുതിയ സി.ബി.​െഎ ഡയറക്​ടറെ നിയമിക്കുന്നത്​. ഇതിനായി വെള്ളിയാഴ്​ച സമിതി യോഗം ചേർന്നു. എന്നാൽ, ഇതിൽ അന്തിമ തീരുമാനമായിരുന്നില്ല.

1984 ബാച്ച്​ ​െഎ.പി.എസ്​ ഉദ്യോഗസ്ഥനായ ജാവേദ്​ അഹമ്മദ്​, രജനി കാന്ത്​ മിശ്ര, എസ്​.എസ്​ ദേസ്​വാൾ എന്നിവരുടെ പേരുകൾക്കാണ്​ മുൻഗണന നൽകുന്നതെന്നാണ്​ സൂചന. ഉത്തർപ്രദേശ്​ കേഡറിലെ ​െഎ.പി.എസ്​ ഉദ്യോഗസ്ഥനാണ്​ അഹമ്മദ്​. നിലവിൽ നാഷണൽ ഇൻസ്​റ്റിറ്റ്യൂട്ട്​ ഒാഫ്​ ക്രിമിനോളജി ആൻഡ്​ ​േഫാറൻസിക്​ വകുപ്പി​​​​െൻറ ചുമതലയാണ്​ അദ്ദേഹം വഹിക്കുന്നത്​.

ബോർഡർ സെക്യൂരിറ്റി ഫോഴ്​സി​​​​െൻറ തലവനാണ്​ മിശ്ര. ഹരിയാന കേഡറിൽ നിന്നുള്ള ഉദ്യോഗസ്ഥനാണ്​ ദേശ്​വാൾ. നിലവിൽ ഇൻഡോ-ടിബറ്റൻ ഫോഴ്​സിലെ ഉദ്യോഗസ്ഥനാണ്​ അദ്ദേഹം.