സർക്കാരിനെ വിമർശിച്ചാൽ പണിപോകും; ജീവനക്കാർക്ക് ജമ്മു-കശ്മീർ ഭരണകൂടത്തിന്റെ ഭീഷണി

ജ​മ്മു: സ​ർ​ക്കാ​റി​ന്റെ ന​യ​നി​ല​പാ​ടു​ക​ളെ സ​മൂ​ഹ​മാ​ധ്യ​മ​ങ്ങ​ളി​ൽ വി​മ​ർ​ശി​ച്ചാ​ൽ പ​ണി പോ​കു​മെ​ന്ന് ജീ​വ​ന​ക്കാ​ർ​ക്ക് ജ​മ്മു-​ക​ശ്മീ​ർ ഭ​ര​ണ​കൂ​ട​ത്തി​ന്റെ താ​ക്കീ​ത്. രാ​ഷ്ട്രീ​യ​പ​ര​മോ ന​യ​പ​ര​മോ ആ​യ വി​മ​ർ​ശ​നം ഉ​യ​ർ​ത്തി​യാ​ൽ ന​ട​പ​ടി​യെ​ടു​ക്കു​ന്ന ത​ര​ത്തി​ൽ ജീ​വ​ന​ക്കാ​രു​ടെ തൊ​ഴി​ൽ വ്യ​വ​സ്ഥ​ക​ൾ പു​തു​ക്കി​യ​താ​യി ഇ​തു​സം​ബ​ന്ധി​ച്ച ഉ​ത്ത​ര​വി​ൽ വ്യ​ക്ത​മാ​ക്കി.

സ​മൂ​ഹ​മാ​ധ്യ​മ​ങ്ങ​ളി​ലെ കൂ​ട്ടാ​യ്മ​ക​ളി​ലോ മൈ​ക്രോ ​ബ്ലോ​ഗു​ക​ളി​ലോ ന​ട​ക്കു​ന്ന സ​ർ​ക്കാ​ർ ന​യം സം​ബ​ന്ധി​ച്ച രാ​ഷ്ട്രീ​യ ച​ർ​ച്ച​ക​ളി​ലും പ​​ങ്കെ​ടു​ക്ക​രു​ത്. രാ​ഷ്ട്രീ​യ​പ​ര​വും, മ​ത​നി​ര​പേ​ക്ഷ വി​രു​ദ്ധ​വും, വ​ർ​ഗീ​യ സ്വ​ഭാ​വ​മു​ള്ള​തു​മാ​യ പോ​സ്റ്റു​ക​ളോ ട്വീ​റ്റു​ക​ളോ പ​ങ്കു​വെ​ക്കാ​ൻ പാ​ടി​ല്ല. വ​ർ​ഗീ​യ ചു​വ​യു​ള്ള പേ​ജു​ക​ൾ സ​ബ്സ്ക്രൈ​ബ് ചെ​യ്യ​രു​ത്. വാ​ട്സ്ആ​പ്പ്, ടെ​ലി​ഗ്രാം, ഇ​ൻ​സ്റ്റ​ഗ്രാം തു​ട​ങ്ങി​യ പ്ലാ​റ്റ്ഫോ​മു​ക​ളി​​ലെ​ല്ലാം ഈ ​കാ​ര്യ​ങ്ങ​ൾ പാ​ലി​ക്കേ​ണ്ട​താ​ണെ​ന്ന് ഉ​ത്ത​ര​വ് തു​ട​ർ​ന്നു.

നി​ർ​ദേ​ശ​ങ്ങ​ൾ ലം​ഘി​ച്ചാ​ൽ, ഒ​രു മാ​സ​ത്തെ ശ​മ്പ​ളം പി​ഴ​യാ​യി അ​ട​ക്കേ​ണ്ടി വ​രും. ഇ​ൻ​ക്രി​മെൻറ് ത​ട​യും. സ്ഥാ​ന​ക്ക​യ​റ്റ​വും ത​ട​യ​പ്പെ​ടാം. താ​ഴ​ത്തെ ത​സ്തി​ക​യി​ലേ​ക്ക് ത​രം​താ​ഴ്ത്ത​ൽ, ശ​മ്പ​ള സ്കെ​യി​ൽ കു​റ​ക്ക​ൽ, സ​ർ​ക്കാ​റി​നു​ണ്ടാ​കു​ന്ന ന​ഷ്ട​ങ്ങ​ൾ​ക്കു​ള്ള തു​ക ശ​മ്പ​ള​ത്തി​ൽ നി​ന്ന് പി​ടി​ക്ക​ൽ തു​ട​ങ്ങി​യ​വ​യും ശി​ക്ഷ​യാ​ണ്. നി​ർ​ബ​ന്ധി​ത വി​ര​മി​ക്ക​ലി​നും സ​ർ​ക്കാ​റി​ന് തീ​രു​മാ​ന​മെ​ടു​ക്കാം.

വിവിധ പാർട്ടികൾ തീരുമാനത്തിനെതിരെ രംഗത്തുവന്നു. ജനങ്ങളെ ഭയപ്പെടുത്താനാണ് ഭരണകൂടത്തിന്റെ ശ്രമമമെന്ന് പി.ഡി.പി നേതാവ് മഹ്ബൂബ മുഫ്തി ആരോപിച്ചു.

ഭരണാധികാരികൾ തന്നെ ജഡ്ജിയും കോടതിയും നിയമം നടപ്പാക്കുന്നവരുമായി മാറിയിരിക്കുകയാണ്. ജനങ്ങളുടെ മൗലികാവകാശങ്ങളുടെ ലംഘനമാണ് നടക്കുന്നത് -അവർ കൂട്ടിച്ചേർത്തു. സർക്കാർ ജീവനക്കാരനായി എന്നതുകൊണ്ട് ഒരാൾക്ക് ഭരണഘടനാവകാശങ്ങൾ ഇല്ലാതാകുന്നില്ലെന്ന് മുതിർന്ന സി.പി.എം നേതാവ് എം.വി. തരിഗാമി പറഞ്ഞു.