സമൻസ്​ ലഭിച്ചില്ല; സാക്കിർ നായിക്​ ഹാജരാവില്ല

ന്യൂഡൽഹി: മാർച്ച്​ 30ന്​ എൻ.​െഎ.എ കോടതിയിൽ ഹാജരാവാൻ സമൻസൊന്നും ലഭിച്ചിട്ടില്ലെന്ന് ഇസ്ലാമിക് റിസർച് ഫൗണ്ടേഷൻ സ്ഥാപകനും മതപ്രഭാഷകനുമായ​ സാക്കിർ നായിക്. അദ്ദേഹത്തിൻെറ അഭിഭാഷകൻ എം. സോൾക്കർ ആണ് ഇക്കാര്യം അറിയിച്ചത്. കോടതിയിൽ ഹാജരാവുന്നതിന്​ ഇതുവരെ സമൻസൊന്നും ലഭിച്ചിട്ടില്ല. അതിനാൽ കോടതിയിൽ ഹാജരാവാൻ സാധിക്കില്ലെന്നും അഭിഭാഷകൻ ​പറഞ്ഞു. നിയമപരമായി സമൻസ്​ ലഭിക്കാതെ ഹാജരാവേണ്ട ആവശ്യമില്ലെന്നും അദ്ദേഹം കൂട്ടിച്ചേർത്തു.

തീവ്രാവാദ വിരുദ്ധ നിയമപ്രകാരം എടുത്ത കേസിൽ എൻ.​െഎ.എ കോടതി മുമ്പാകെ നേരിട്ട്​ ഹാജരവാനാണ്​ സാക്കിർ നായികി​നോട് എൻ.​െഎ.എ​ ആവശ്യപ്പെട്ടത്​. മാർച്ച്​ 14ന്​ ഹാജരാവാൻ കോടതി നിർദ്ദേശമുണ്ടായിരുന്നെങ്കിലും അദ്ദേഹം ഹാജരായിരുന്നില്ല. ഇതിനെ തുടർന്നാണ്​ മാർച്ച്​ 30നകം ഹാജരാവാൻ സാക്കിർ നായികിന്​ എൻ.​െഎ.എ കോടതി വീണ്ടും നിർദ്ദേശം നൽകിയത്​.

കഴിഞ്ഞ വർഷം നവംബറിലാണ്​ സാക്കിർ നായിക്കിനെതിരെ തീവ്രവാദ വിരുദ്ധനിയമ പ്രകാരം എൻ.​െഎ.എ കേസെടുത്തത്​. അദ്ദേഹത്തിൻെറ സംഘടനയെ കേന്ത്രസർക്കാർ നിരോധിക്കുകയും ചെയ്തിരുന്നു. ഇതിനെതിരെ ഡൽഹി ഹൈകോടതിയിൽ അദ്ദേഹം സമർപിച്ച ഹരജി കോടതി തള്ളുകയായിരുന്നു. 2016 ൽ ധാക്കയിൽ നടന്ന തീവ്രവാദ ആക്രമണത്തിലെ പ്രതികൾക്ക് നായിക്കിൻെറ പ്രസംഗം പ്രചോദനമായെന്ന് ബ്ലംഗാദേശി പത്രം റിപ്പോർട്ട് ചെയ്തതോടെയാണ് സാകിർ നായികിൻെറ സംഘടനക്കെതിരെ കേന്ദ്രം നടപടിയെടുക്കാൻ ആരംഭിച്ചത്.