9/11 പുതിയ അധ്യായമായിരുന്നുവെങ്കിൽ കോവിഡ്​19 പുതിയ പുസ്​തകമാണ് ​-രാഹുൽ ഗാന്ധി

ന്യൂഡൽഹി: കോവിഡ്​19 ലോകത്തി​​​െൻറ ഘടന മാറ്റിയെഴുതുമെന്ന്​ കോൺഗ്രസ്​ നേതാവ്​ രാഹുൽ ഗാന്ധി. ആഗോളതലത്തിൽ വൈറസ്​ രണ്ടു മേഖലകളിലാണ്​ പ്രധാനമായും ബാധിച്ചത്​. ആരോഗ്യതലത്തിലും  ആഗോളസാമ്പത്തിക ഘടനയിലും. ആഗോളവത്​കരണത്തി​​​െൻറ തന്ത്രപ്രധാന കേന്ദ്രങ്ങളിലാണ്​ കോവിഡ്​ കൂടുതൽ ബാധിച്ചത്​. കോവിഡിനു ശേഷം പുതിയ ലോകക്രമമുണ്ടാകുമെന്നും വിശ്വസിക്കുന്നു. ആളുകൾ പറയുന്നു 9/11 പുതിയ അധ്യായമായിരുന്നുവെന്ന്​. എന്നാൽ കോവിഡ്​19 പുതിയ പുസ്​തകമാണ്​ -രാഹുൽ പറഞ്ഞു.

പ്രശസ്​ത ആരോഗ്യവിദഗ്​ധനും ഹാർവഡ്​ യൂനിവേഴ്​സിറ്റി പ്രഫസറുമായ ഡോ. ആശിഷ്​ ഝായുമായും സ്വീഡിഷ്​ എപിഡമോളജിസ്​റ്റും പ്രഫസറുമായ ജോഹൻ ഗീസെക്കുമായും വിഡിയോ കോൺഫറൻസിലൂടെ സംസാരിക്കുകയായിരുന്നു രാഹുൽ. ഇന്ത്യയിലെ ചൂടേറിയ കാലാവസ്​ഥയിൽ വൈറസിന്​ അതിജീവിക്കാനാവില്ലെന്ന നിരീക്ഷണങ്ങൾ പ്രഫ. ആശിഷ്​ ഝാ തള്ളി. അക്കാര്യം ശാസ്​ത്രീയമായി തെളിയിക്കപ്പെട്ടിട്ടില്ല എന്നായിരുന്നു അദ്ദേഹത്തി​​​െൻറ മറുപടി. 

പരിശോധന വ്യാപിക്കുന്നതു വഴി മാത്രമേ വൈറസി​​​െൻറ പെരുകൽ തടയാൻ സാധിക്കൂ. വൈറസിനെ വാക്​സിൻ വഴി ഇന്ത്യക്കാർക്ക്​ പ്രതിരോധിക്കാൻ കഴിയുമെന്ന വാദഗതികളും അദ്ദേഹം തള്ളി. കോവിഡിനു ശേഷമുള്ള ഇന്ത്യയെ കുറിച്ച്​ വിവിധ മേഖലകളിലെ വിദഗ്​ധരുമായുള്ള രാഹുൽ ഗാന്ധിയുടെ ചർച്ചയുടെ ഭാഗമായാണീ സംഭാഷണം. നേരത്തേ നൊബേൽ ജേതാവ്​ അഭിജിത്​ ബാനർജി, റിസർവ്​ ബാങ്ക്​ മുൻ ഗവർണർ രഘുറാം രാജൻ എന്നിവരുമായും രാഹുൽ ചർച്ച നടത്തിയിരുന്നു.