Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ കാലത്ത്​ എ.സി...

കോവിഡ്​ കാലത്ത്​ എ.സി ഉപയോഗത്തിൽ ശ്രദ്ധിക്കേണ്ടത്​; മാർഗനിർദേശവുമായി കേന്ദ്രം

text_fields
bookmark_border
air-condition.jpg
cancel

ന്യൂഡൽഹി: കോവിഡ്​ 19 വ്യാപനത്തി​​െൻറ പശ്ചാത്തലത്തിൽ വീടുകളിലെയും ഓഫീസുകളിലേയും എ.സി ഉപയോഗം സംബന്ധിച്ച്​ മാ ർഗ നിർദേശവുമായി കേന്ദ്രസർക്കാർ. കോവിഡ്​ കാലത്ത്​ ഗാർഹിക ഉപയോഗത്തിലുള്ള എ.സിയുടെ താപനില 24 സെൽഷ്യസിനും 30 സെൽഷ് യസിനും മധ്യേ ആയിരിക്കണമെന്ന്​ കേന്ദ്രം നിർദേശിച്ചു. ഈർപ്പം 40 മുതൽ 70 ശതമാനം വരെയായി നിലനിർത്തണമെന്നും മാർഗനിർ ദേശത്തിൽ പറയു​ന്നു.

എ.സിയിൽ നിന്ന്​ പുറത്തു വരുന്ന തണുത്ത വായുവിനൊപ്പം പുറത്തു നിന്നുള്ള വായുവും ചേരേണ്ടതുണ്ടെന്നും അതിനാൽ എ.സി പ്രവർത്തിപ്പിക്കുമ്പോൾ ജനാല ചെറുതായി തുറന്നിടുകയോ എക്​സ്​ഹോസ്​റ്റർ ഫാൻ പ്രവർത്തിപ്പിക്കുകയോ വേണം. വരണ്ട കാലവസ്ഥയിൽ ഈർപ്പം 40 ശതമാനത്തിൽ താഴെ പോകാൻ അനുവദിക്കരുത്​. ബാഷ്​പീകരിക്കപ്പെടാനായി ഒരു പാത്രം വെള്ളം മുറിയിൽ വെക്ക​ുന്നത്​ ഹ്യുമിഡിറ്റി വർധിപ്പിക്കും.

എ.സി പ്രവർത്തിപ്പിക്കുന്നി​ല്ലെങ്കിലും മുറിയിലേക്ക്​ കാറ്റ്​ കടക്കും വിധമുള്ള സംവിധാനം ഒരുക്കണം. ഫാൻ പ്രവർത്തിപ്പിക്കുമ്പോൾ ജനാലകൾ ഭാഗികമായി തുറന്നുവെക്കുകയും എക്​സ്​ഹോസ്​റ്റ്​ ഫാൻ സമീപത്തുണ്ടെങ്കിൽ അത്​ പ്രവർത്തിപ്പിക്കുകയും ചെയ്യണം. വാണിജ്യ,വ്യവസായ കേന്ദ്രങ്ങളിൽ നല്ല വായുസഞ്ചാരം ഉറപ്പു വരുത്തണം. ഇതിനായി എക്​സ്​ഹോസ്​റ്ററുകൾ ഉപയോഗിക്കാമെന്നും മാർഗനിർദേശത്തിൽ പറയുന്നു.

ലോക്​ഡൗണിൽ പല സ്ഥാപനങ്ങളും അടച്ചിട്ടിരിക്കുന്നതിനാൽ എ.സിയുടെ ഫിൽട്ടറുകൾക്കുള്ളിൽ ഫംഗസും പൂപ്പലും പ്രാണികളുടെയും എലികളുടേയും വിസർജ്യവും അടിഞ്ഞുകൂടാൻ സാധ്യതയു​ണ്ട്​. ഇത്​ ആരോഗ്യപ്രശ്​നങ്ങൾ സൃഷ്​ടിച്ചേക്കാം. അതിനാൽ​ എ.സി പ്രവർത്തിപ്പിക്കുന്നത്​ അറ്റകുറ്റ പണികൾക്ക്​ ശേഷമായിരിക്കണം. എ.സി ടെക്​നീഷ്യൻമാരെക്കൊണ്ട്​ പരിശോധിപ്പിച്ച്​ ശുദ്ധി ഉറപ്പു വരുത്തണമെന്നും കേന്ദ്രം നിർദേശിക്കുന്നു.

അടച്ചിട്ട മുറിയിൽ എ.സി പ്രവർത്തിപ്പിക്കുന്നത്​ ​​േകാവിഡ്​ വ്യാപനത്തിനിടയാക്കുമെന്ന റി​േപ്പാർട്ടുകളുടെ പശ്ചാത്തലത്തിലാണ്​ കേന്ദ്രം ഇതു സംബന്ധിച്ച്​ മാർഗ നിർദേശങ്ങൾ പുറത്തിറക്കിയത്​. ഇന്ത്യൻ സൊ​ൈസറ്റി​ ഓഫ്​ റഫ്രിജറേറ്റിങ്​ ആൻഡ്​ എയർ കണ്ടീഷനർ എൻജിനീയേഴ്​സ്​ തയാറാക്കിയ മാർഗനിർദേശങ്ങളാണ്​ കേന്ദ്ര പൊതുമരാമത്ത്​ വകുപ്പ്​ പങ്കു ​വെച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:malayalam newsindia newsair conditionercovid 19AC Temperature
News Summary - The Ideal AC Temperature Amid Pandemic Centre's Dos And Don'ts -india news
Next Story